وقو بالالاردىڭ قۇقىقتارىن قورعاۋ دەپارتامەنتى «اتا-انالاردىڭ قۇقىقتىق ساۋاتتىلىعى – بالالاردىڭ قۇقىقتارىن قورعاۋدىڭ كەپىلى» اتتى  تاقىرىپتا سەمينار – كەڭەس وتكىزگەن.
سەمينارعا وقو دەنساۋلىق ساقتاۋ باسقارماسى، وقو                                                         ءبىلىم باسقارماسى، وبلىستىق اتا-انالار كوميتەتىنىڭ ءتوراعاسى، وقو ىشكى ساياسات باسقارماسى، شىمكەنت قالالىق ىشكى ىستەر باسقارماسى، وقو ادىلەت دەپارتامەنتى، وقو ءدىني ىستەر دەپارتامەنتى، وبلىس بويىنشا اۋدان، قالا اتا-انالار كوميتەتىنىڭ ءتوراعالارى،  شىمكەنت قالاسى مەكتەپتەرىنىڭ اتا-انالار كوميتەتىنىڭ ءتوراعالارى، ۇەۇ-ڭ جانە ب ا ق وكىلدەرى قاتىستى. جالپى سەمينارعا قاتىسقاندار سانى 182.
سەميناردىڭ ماقساتى – اتا-انالار مەن بالالاردىڭ قۇقىقتىق مادەنيەتىن كوتەرۋ، ولاردىڭ قۇقىقتارىن قورعاۋ جانە ءبىلىم سالاسى ماسەلەلەرىنەن حاباردار بولۋىنا اسەر ەتۋ. سونىمەن قاتار، سەمينار جۇمىسىنىڭ كۇن تارتىبىندە بالالارعا قاتىستى زورلىق-زومبىلىق جانە قاتىگەزدىكتىڭ الدىن الۋ (ءبىلىم بەرۋ ۇيىمدارىندا، وتباسىندا جانە قوعامدا) جونىندەگى اتا-انالار مەن پەداگوگتاردىڭ بالا قۇقىقتارى مەن مىندەتتەرىنە قاتىستى ماسەلەلەرىن تالقىلاۋ.
سەمينار – كەڭەس بارىسىندا وقو بالالاردىڭ قۇقىقتارىن قورعاۋ دەپارتامەنتىنىڭ ديرەكتورى ءجۇسىپوۆا ع.ج ءوز بايانداماسىن ەلباسىمىز ن.ءا.نازاربايەۆتىڭ 2012 جىلعى قازاقستان حالقىنا جولداۋىنان باستادى. سونىمەن قاتار 2011 جىلى 25 تامىز كۇنى استانا قالاسىندا وتكەن «وتباسى، مەكتەپ، قوعام – يگىلىكتى بولاشاق ءۇشىن بىرگە!» اتتى ءى رەسپۋبليكالىق پەداگوگيكالىق فورۋمىندا ق ر ءبىلىم جانە عىلىم ءمينيسترى ب.ت.جۇماعۇلوۆتىڭ: «ۇنەمى نازاردا ۇستاۋدى تالاپ ەتەتىن ماسەلە، بۇل وتباسىنىڭ بالا تاربيەسىندەگى ءرولىن ارتتىرۋ. ءبىلىم بەرۋگە اتا-انالاردىڭ قاتىسۋى مەكتەپ ومىرىنە بەلسەندى قاتىسۋ عانا ەمەس، ولاردىڭ مىندەتى – بالالاردى وتباسىندا دۇرىس تاربيەلەۋ» - دەگەن سوزدەرىن نازارعا الا وتىرىپ، ءارى قاراي سەميناردىڭ قاتىسۋشىلارىمەن قوعام الدىندا تۇرعان كۇردەلى ماسەلەلەردىڭ ءبىرى كامەلەتكە تولماعان جاسوسپىرىمدەر اراسىنداعى قۇقىق بۇزۋشىلىقتىڭ نەگىزگى سەبەپ-سالدارىن انىقتاۋ، ونىڭ الدىن-الۋ جانە بولدىرماۋ جولدارىن قاراستىرۋ، سونىمەن قاتار ءبىلىم بەرۋ مەكەمەلەرىندە تاربيە جۇمىستارىن ءبىر جۇيەگە كەلتىرۋ، اتا-انالارمەن بايلانىستى جاقسارتۋ ماسەلەلەرى قوزعالدى.                                                                             
شىمكەنت قالالىق ىشكى ىستەر باسقارماسى ەڭبەكشى پوليسيا ءبولىمىنىڭ كتجب باستىعى، پوليسيا مايورى مىقتىبەكوۆ ساكەن سامەن ۇلى،  وبلىستىق اتا-انالار كوميتەتىنىڭ ءتوراعاسى انۋاربەك بەيسە، وقو ىشكى ساياسات باسقارماسىنىڭ پسيحولوگى وتەلوۆا ناعيما سىدىق قىزى، 
وقو دەنساۋلىق ساقتاۋ باسقارماسى ءاشىموۆا نازيرا ورىنباسار قىزى، «سانا سەزىم» قق زاڭگەرى ەنيكەيەۆا ەلينا راديكوۆنا، وقو ءدىني ىستەر دەپارتامەنتىنىڭ مامانى ايداربەكوۆا فاتيما سارباي قىزى جانە شىمكەنت قالالىق احات ءبولىمىنىڭ باستىعى اشيموۆا بايان كالحوجايەۆنا ءوز سوزدەرىندە وتباسىلىق قۇندىلىقتاردى ارتتىرۋ، وبلىسىمىزداعى ءبىلىم بەرۋ مەكەمەلەرىندە بالا تاربيەسىندە كەزدەسەتىن قيىنشىلىقتاردى شەشۋ جانە ونىڭ الدىن-الۋ،  بالالاردىڭ بوس ۋاقىتىن ءتيىمدى ءارى پايدالى ىستەرمەن شۇعىلدانۋىنا، تاربيە بەرۋدە وزىق تاجىريبە مەن ىزگى قاسيەتتەردى جاس ۇرپاقتىڭ بويىنا سىڭىرۋىنە، بالانىڭ قورشاعان ورتاداعى قارىم-قاتىناسىنا، ومىرگە دەگەن كوزقاراسىنا جانە سوعان ساي مىنەز-قۇلقىن قالىپتاستىرۋىنا  اتا-انانىڭ جاۋاپكەرشىلىگىن ارتتىرۋ ماسەلەلەرىنە كەڭىنەن توقتالىپ ءوتتى.
سەمينار-كەڭەستىڭ جۇمىسىن وقو بالالاردىڭ قۇقىقتارىن قورعاۋ دەپارتامەنتىنىڭ ديرەكتورى ع.ءجۇسىپوۆا قورىتىندىلادى. دەپارتامەنت تاراپىنان اتا-انالارعا قۇقىقتىق  كەڭەس بەرىلەتىن بۋكلەتتەر تاراتىلدى.
سەمينار سوڭىندا ۇسىنىمدار قابىلدانىپ، ءبىلىم بەرۋ ۇيىمدارىنا جولداندى.

 دەرەككوزى: وقو بالالاردىڭ قۇقىقتارىن قورعاۋ دەپارتامەنتى