الماتى. قامشى پورتالى - وڭتۇستىك قازاقستان وبلىسى ەلىمىزدەگى تۋۋ كورسەتكىشى مەن كوپ بالالى انالار جونىنەن وزگە ايماقتارمەن سالىستىرعاندا كوشى ىلگەرى تۇراتىنى تۋرالى وسىعان دەيىن دە سايتىمىزدا جازعان بولاتىنبىز. قازىرگى كۇننىڭ وزىنەدە جالپى، وڭتۇستىك قازاقستان وبلىسىندا 152358 كوپبالالى انا بار ەكەن. جەرگىلىكتى بيلىك پەن مەملەكەتتىك ۇيىمدار وڭىردەگى كوپ بالالى انالاردى قۇرمەتتەپ، ءتۇرلى سىي-سىاپات ۇلەستىرىپ تۇرۋدى ۇردىسكە اينالدىرىپ العانداي. مىسالى، وتكەن جولى وڭتۇستىك قازاقستان وبلىستىق قازاقستان حالقى اسسامبلەياسى حاتشىلىعىنىڭ مەڭگەرۋشىسى تۇرسىنكۇل قۇرمانبايەۆا وڭىردەگى التىن قۇرساقتى انالارعا قۇرمەت كورسەتكەن.

ونىڭ 30046-سى التىن القا يەگەرى بولسا، 38824ء-ى كۇمىس القا تاققان. ال بۇل كۇنى 63 مىڭعا جۋىق اناعا سىي-قۇرمەت كورسەتىلدى. قازاقستان حالقى اسسامبلەيا­سىنىڭ وڭتۇستىكتەگى وكىلدىگى قازاق جەرىندە ۇرپاق ءوربىتىپ، ەلدىڭ اۋىزبىرشىلىگىنە ۇيىتقى بولىپ، تاتۋلىعى مەن بىرلىگىن جاراستى­رىپ وتىرعان وزگە ۇلت وكىلدەرىنىڭ اق جاۋلىقتى انالارىنا سىي-سياپات ۇسىندى.

7 ۇل-قىزدان 25 نەمەرە ءسۇيىپ وتىرعان مادينات وماروۆا مۇنداي قۇرمەتكە رياسىز العىسىن ءبىلدىرىپ، قازاق حالقىنىڭ كەڭپەيىل، دارقان مىنەزىن ەرەكشە اتاپ ءوتتى. 

«قيىن-قىستاۋ كەزدە ءوز جەرىنەن ورىن بەرىپ، قۇشاعىن ايقارا اشقان قا­زاقستاندىقتارعا ريزا­شى­لىعىم مول»، - دەدى التىن القا يەگەرى. 

ال پاراحات حودجيمەتوۆا 21 نەمەرەنى باعىپ قانا قويماي، جەكە كاسىپكەرلىكپەن دە اينا­لىسادى. ول قۇتتىقتاۋشىلارعا العىسىن ءبىلدىرىپ، ەلدىڭ تىنىش­تىعى مەن تاتۋلىعىنا سىزات تۇسپەۋىن تىلەپ، اق باتاسىن بەردى، دەپ جازادى "ايقىن" گازەتى. 

 دەرەككوزى: قازاقپارات