يلون ماسكتىڭ قاماۋعا الىنۋ مۇمكىندىگى تۋرالى حابارلاندى. بۇل تۋرالى قامشى ءتىلشىسى Reuters-كە سىلتەمە جاساپ حابارلايدى.
Tesla كومپانياسىنىڭ باس اتقارۋشى ديرەكتورى يلون ماسك دۇيسەنبىدە كاليفورنياداعى اۆتوموبيل شىعاراتىن زاۋىتىندا جابىق تۇرۋ تۋرالى بۇيرىقتان باس تارتۋىنا بايلانىستى "ەگەر كىمدە-كىمدى تۇتقىنداۋعا تۋرا كەلسە، مەنى تۇتقىنداسىن" دەدى.
دەمالىس كۇندەرى ماسك ءوز زاۋىتىنىڭ جابىلۋىنا بايلانىستى كاليفورنيادان تەحاسقا نەمەسە نيەۆاداعا كەتەتىندىگىن جاريالاعان. ول بۇل قادامى ءۇشىن جۇمىس ورىندارىنداعى باسەكەلەستىكتى ەرەكشە اتاپ ءوتتى.
يلون ماسك تۆيتتەر پاراقشاسىندا ءوندىرىستى دۇيسەنبىدە قايتا باستايتىنىن، مونتاجداۋ جەلىسىندەگى قىزمەتكەرلەر جۇمىسقا شىعا باستايتىنىن ايتتى.
–ەگەر كىمدە-كىم تۇتقىندالۋ كەرەك بولسا، مەنى عانا تۇتقىنداۋىن سۇرايمىن،–دەپ تۆيتتەرىندە جازدى ول.
فرەمونت زاۋىتى ورنالاسقان الامەدا وكرۋگىنىڭ دەنساۋلىق ساقتاۋ قىزمەتكەرلەرىنىڭ ايتۋىنشا، دۇيسەنبى كۇنى كەشكە Tesla رۇقسات ەتىلگەن مينيمالدى نەگىزگى وپەراسيالاردىڭ شەكتەۋىن بۇزعان. جەرگىلىكتى بيلىك كومپانياعا وكۋرگ بەكىتكەن جوسپاردارسىز جۇمىس ىستەي المايتىندىعىن حابارلاعان.
جەرگىلىكتى بيلىك دۇيسەنبىدە كومپانيادان جاۋاپ كۇتكەنىن جانە « Tesla بۇدان ءارى ماجبۇرلەۋ شارالارىنا جەتكىزبەيتىننە ۇمىتتەنتىندەرىن» ايتتى. مالىمدەمەدە زارداپتار كورسەتىلمەگەن جانە شەنەۋنىكتەر بۇدان ءارى تۇسىنىكتەمە بەرمەيتىنىن ايتتى.
بيلىك وكىلدەرى مەملەكەتتىڭ تىيىم سالۋ ءتارتىبىن بۇزۋ ايىپپۇلمەن، قاماۋعا الۋمەن نەمەسە ەكى تۇرىمەن تەڭ جازالاناتىندىعىن ايتتى.
پىكىر قالدىرۋ