وڭتۇستىك-قازاقستان وبلىسى تۋىلۋ دەڭگەيى جوعارى، تۇرعىندار تىعىز ورنالاسقان ايماققا جاتادى. سوڭعى بەس جىلدا (2005 -2009جج.) تۇرعىندار 235،9 مىڭ ادامعا نەمەسە 21،5% ارتقان جانە 2429،5 مىڭ ادامدى قۇراعان. تۇرعىندار سانىنىڭ جىل سايىنعى ءوسىمى ورتا شامامەن 2،0% قۇرايدى.

جالپى ساننان قالالىق تۇرعىنداردىڭ سانى 37،9% (912 مىڭ ادام)، اۋىلدىق – 62،5% (1517،5 مىڭ ادام).

قالالىق جەرلەردە تۇرعىنداردىڭ 1000 ادامىنا 30،2 تۋىلۋ، اۋىلدىق جەردە – 29،9 تۋىلۋ كەلەدى.

2009 جىلى 20،9 مىڭ نەكە قيۋ جانە 2،6 مىڭ اجىراسۋ تىركەلگەن (2005 جىلمەن سالىستىرعاندا تيىسىنشە 22،4% جانە 29،0% ءوسىمى بايقالادى).

دەنساۋلىق ساقتاۋ.

دەموگرافيالىق جاعدايدىڭ وڭ وزگەرىستەرىنە قاراماستان انا مەن نارەستە ءولىمنىڭ كورسەتكىشتەرى ءالى دە تۇراقتانباي تۇر.

انا ءولىمىنىڭ كورسەتكىشى 2005-2007 جىلدار ارالىعىندا 100 مىڭ ءتىرى تۋىلعان نارەستەلەرگە شاققاندا  36،1-دان 56،1-گە دەيىن ءوسىپ وتىر. قازاقستان رەسپۋبليكاسىندا انا مەن بالا ءولىمىن ازايتۋ جونىندەگى 2008-2010 جىلدارعا ارنالعان سالالىق باعدارلاماسىن جۇزەگە اسىرۋ انا ءولىمىنىڭ كورسەتكىتەرىن 100 مىڭ تۋىلعان نارەستەلەرگە شاققاندا 37،1-گە دەيىن تومەندەۋگە جاعداي جاسادى.

نارەستە ءولىمىنىڭ كورسەتكىشى: 2005 جىلى 1000 ءتىرى تۋىلعان نارەسەتەلەرگە شاققاندا 15،9-دان 2009 جىلى 20،9-عا دەيىن وسۋگە ىقپال جاسادى. 2008 جىلى رسەپۋبليكا كولەمىندە  دۇنيەجۇزىلىك  دەنساۋلىق ساقتاۋ ۇيىمىنىڭ ءتىرى جانە ءولى تۋۋ كريتەرييلەرىن ەنگىزۋىنە بايلانىستى، بۇل كورسەتكىشتەر 25،5-كە دەيىن، اۋىلدى جەرلەردە 1،5 ەسەگە دەيىن ءوستى.

دۇنيەجۇزىلىك  دەنساۋلىق ساقتاۋ ۇيىمىنىڭ مالىمەتتەرىنە سۇيەنسەك، ەڭبەك جاسىنداعى  تۇرعىنداردىڭ شىعىنى كوپ جاعدايدا  قان اينالىمى جۇيەسىنىڭ ورگاندارى، قانت ديابەتى سياقتى جۇقپالى ەمەس اۋرۋلاردان سەبەبىنەن بولۋدا. وسىعان قاراماستان، وڭتۇستىك قازاقستان وبلىسى تۇرعىندارىنىڭ ءومىر ءسۇرۋ دەڭگەيى 2005 جىلداعى 67،36-دان 2009 جىلدا 69،49-عا جەتتى، الايدا، تۋبەركۋلەز، قاتەرلى ىسىك اۋرۋلارى  ءالى دە جوعارى كورسەتكىشتەرگە جەتۋگە مۇمكىندىك بەرمەي وتىر.