استانانىڭ قازىرگى اكىمى ادىلبەك جاقسىبەكوۆ «استانا ەكسپو-2017» كومپانياسىنىڭ باسقارما ءتوراعاسى قىزمەتىنەن بوساتىلدى. بۇل تۋرالى «قامشى» پورتالى «ازاتتىققا» سىلتەمە جاساي وتىرىپ حابارلايدى.
«اقوردا» سايتىنىڭ اقپاراتىندا كورسەتىلگەندەي، ادىلبەك رىسكەلدى ۇلى جاقسىبەكوۆ استانا قالاسى اكىمى مەن «استانا ەكسپو-2017» ۇلتتىق كومپانياسىنىڭ باسقارما ءتوراعاسى قىزمەتىن قاتار اتقارىپ كەلگەن بولاتىن.
وسىعان دەيىن قازاقستان پرەزيدەنتى بۇل قىزمەتكە الماتى قالاسىن 7 جىلدان ارتىق ۋاقىت باسقارىپ كەلگەن احمەتجان سماعۇل ۇلى ەسىموۆتى تاعايىنداعان.
ال الماتى قالاسى اكىمى بولىپ «نۇر وتان» ساياسي پارتياسى ءتوراعاسىنىڭ بۇرىنعى ءبىرىنشى ورىنباسارى، 41 جاستاعى باۋىرجان بايبەك تاعايىندالدى.
بۇعان دەيىن «استانا ەكسپو-2017» ۇلتتىق كومپانياسى باسقارما ءتوراعاسى بولىپ ىستەگەن تالعات ەرمەگيايەۆ «اسا ءىرى كولەمدە قارجى جىمقىردى» دەگەن كۇدىكپەن ماۋسىم ايىندا ءۇيقاماققا الىنعان ەدى.
نۇرزات توعجان
