ق ر مەملەكەتتىك ءبىلىم گرانتتارىنىڭ ءتىزىمى جاريالانعان ەكى كۇننىڭ ىشىندە قازاقستاننىڭ ءار تارابىندا ءبىلىم گرانتتارىنىڭ بولىنۋىنە قاتىستى ءتۇرلى داۋ-دايمايلار دا كۇشەيە باستادى. ورتا مەكتەپتى ۇزدىك ءتامامداعان تاعى ءبىر استانالىق تۇلەك مەملەكەتتىك ءبىلىم گرانتتارى يەگەرلەرى قاتارىنان ءوزىن تابا الماعان. بۇل تۋرالى «قامشى» پورتالى كتك-عا سىلتەمە جاساي وتىرىپ حابارلايدى.

«مەن ەۋرازيالىق ۇلتتىق ۋنيۆەرسيتەتكە تاپسىرعان بولاتىنمىن. مۇندا 89 بالل جيناعاندار ءتۇسىپ جاتىر. ال مەن 100 باللمەن تۇسە الماي وتىرمىن. ءتىپتى اتتەستاتىمدا دا كىل بەستىكتەر. مەن تاڭقالىپ وتىرمىن»،-دەيدى ابيتۋريەنت اراي نۇرجانوۆا.

كتك ارناسىنىڭ مالىمەتىنشە، اراي وڭتۇستىك كورەيدەگى حالىقارالىق ءبىلىم وليمپياداسىنىڭ جۇلدەگەرى بولعان.

وسىعان دەيىن قازاقستاندىق باق-تا تاعى ءبىر استانالىق وقۋ ۇزدىگى جۇلدىز وسپاننىڭ جوعارى باللمەن ءبىلىم گرانتى يەگەرلەرىنىڭ قاتارىنا ىلىكپەي قالعاندىعى تۋرالى جازعان بولاتىن. ال جۇلدىز  بولسا، مەكتەپتى 11 جىل ۇزدىك وقىپ، ماتەماتيكادان حالىقارالىق وليمپيادانىڭ قولا جۇلدەگەرى بولعان. الايدا مۇنىڭ ءبارى ءبىلىم گرانتىنىڭ يەگەرى اتانۋعا جەتكىلىكسىز بولعان.

بۇعان اشۋلانعان اتا-انالار قالاي دا ءوز بالالارىنىڭ ءبىلىم گرانتتارىن الىپ بەرەتىندىكتەرىن ايتۋدا. اتا-انالار مەملەكەتتىك كوميسسيا شەشىمىمەن تولىق كەلىسپەيتىندىكتەرىن جانە ق ر ءبىلىم جانە عىلىم ءمينيسترى اسلان ءسارىنجىپوۆ مىرزانىڭ تىلكەلەي قابىلداۋىن تالاپ ەتىپ وتىر. ولار ءبىلىم ءمينيسترىنىڭ مەملەكەتتىك ءبىلىم گرانتتارىن قالاي بولگەندىگى  جونىندە جاۋاپ بەرۋىن قالايدى.

نۇرزات توعجان