بۇل تۋرالى «قامشى» پورتالى اقتاۋ قالالىق قۇرىلىس ءبولىمىنە سىلتەمە جاساي وتىرىپ حابارلايدى. وتكەن جىلدىڭ ءبىرىنشى جارتى جىلدىعىمەن سالىستىرعاندا بۇل كورسەتكىش 80% ارتىق ءوستى. تۇرعىن ۇيلەر سالۋشىلاردىڭ ءوز قاراجاتىنا ەنگىزىلدى.

- 2015 جىلى «قولجەتىمدى باسپانا-2020» مەملەكەتتىك باعدارلاماسى شەڭبەرىندە تۇرعىن ءۇي قۇرىلىسى جالعاسۋدا. ماسەلەن، جىل سوڭىندا 32ا شاعىن اۋدانىندا ىڭعايلىلىقتىڭ IV دارەجەسىنە جاتاتىن ءۇش 120 پاتەرلى تۇرعىن ءۇيدىڭ بىرەۋى جەرگىلىكتى اتقارۋشى ورگاننىڭ كەزەكتە تۇرعان قىزمەتكەرلەرىنە قولدانىسقا بەرىلەدى، - دەپ مالىمدەدى.

ونىڭ ايتۋىنشا، «تۇرعىن ءۇي قۇرىلىس جيناق بانكى» ارقىلى 33 «اققۋ» شاعىن اۋدانىندا سمەتالىق قۇنى 8،1 ملرد. تەڭگەگە تۇرعىنداردىڭ بارلىق كاتەگوريالارىنا كوپقاباتتى ۇيلەر مەن قالالىق ماڭىزى بار وبەكتىلەر قۇرىلىسى باستالدى. جوبا بويىنشا جالپى تۇرعىن كولەمى 54،6 مىڭ شارشى مەتر نەمەسە 747 پاتەر. نىساندى 2016 جىلى تاپسىرۋ كوزدەلۋدە. بۇدان باسقا 32ا شاعىن اۋداندا سوماسى 661،3 ملن. تەڭگە بولاتىن III دارەجەلى 120 پاتەرلىك  تۇرعىن ءۇي قۇرىلىسى اياقتالۋدا، قولدانىسقا بەرۋ مەرزىمى 2015 جىلدىڭ قىركۇيەك ايى. «تۇرعىن ءۇي قۇرىلىس جيناق بانكى» اق ەكىنشى باعىتى بويىنشا جاس وتباسىلارعا ارنالعان 60 پاتەرلى ەكى تۇرعىن ءۇي قۇرىلىسى اياقتالۋدا (ىڭعايلىلىقتىڭ IV دارەجەسى). قۇرىلىستىڭ سمەتالىق قۇنى 608،4 ملن. تەڭگە.

- 32ا شاعىن اۋدانداعى تۇرعىن ۇيلەردى ۋاقىتىندا تاپسىرۋ ءۇشىن جەدەل تۇردە ماگيسترالدى سىرتقى جەلىلەر – جىلۋمەن قامتاماسىز ەتۋ، گازبەن جابدىقتاندىرۋ، تەلەفون بايلانىسىن جۇرگىزۋ جانە ينجەنەرلىك جەلىلەر – سۋ تارتۋ، كارىز جۇيەسىن جۇرگىزۋ، گازبەن جابدىقتاندىرۋ، تەلەفون بايلانىسىن تارتۋ، اۆتوكولىك جولدارىن توسەۋ، جول ايماقتارى مەن تروتۋارلاردى سالۋ ءجۇرىپ جاتىر. قۇرىلىستىڭ جالپى قۇنى 1،3 ملرد. تەڭگە، ق ر ۇلتتىق قورىنان 1 ملرد. تەڭگە ترانسفەرت ءبولىندى، - دەدى اقتاۋ قالالىق قۇرىلىس بولىمىندە.

«قولجەتىمدى باسپانا-2020» مەملەكەتتىك باعدارلاماسىن جۇزەگە اسىرۋ اياسىندا 2014 جىلى قولدانىسقا 32ا شاعىن اۋداندا «تۇرعىن ءۇي قۇرىلىس جيناق بانكى» اق باعىتى بويىنشا 40 جانە 60 پاتەرلى تۇرعىن ۇيلەر، ءۇش 100 پاتەرلى تۇرعىن ءۇي بەرىلدى. نىسانداردىڭ جالپى سمەتالىق قۇنى 2،2 ملرد. تەڭگەنى قۇرادى.

اقتاۋ قالاسى اكىمدىگىنىڭ باسپا ءسوز قىزمەتى.