گرۋزيا بيلىگى ەكس-پرەزيدەنت ميحايل سااكاشۆيليدى ازاماتتىقتان ايىرۋ تۋرالى شەشىمگە كەلگەن. بۇل تۋرالى «قامشى» پورتالى «كومسومولسكايا پراۆدا» گازەتىنە سىلتەمە جاساي وتىرىپ حابارلايدى.
«ءبىز كييەۆتەن ەكس-پرەزيدەنت ميحايل سااكاشۆيليگە ۋكراين ازاماتتىعىنىڭ بەرىلگەنىن رەسمي راستايتىن حابار كۇتەمىز. بۇل راستالعان جاعدايدا ءبىز ونى گرۋزين ازاماتتىعىنان ايىرۋ پروسەسىن باستايمىز»، – دەدى ادىلەت ءمينيسترى تەيا سۋلۋكياني.
ازىرگە تبيليسي كييەۆتەن سااكاشۆيليگە ۋكراين ازاماتىعىنىڭ بەرىلگەنىن رەسمي تۇردە راستاۋدى كۇتىپ وتىر. ال گرۋزيا مەملەكەتىنىڭ زاڭدارىنا سايكەس، بۇل ەلدە ەكى مەملەكەتتىڭ ازاماتتىعى جۇرمەيدى. سوندىقتان سااكاشۆيلي مىرزا ءوز تاڭداۋىن جاساسا كەرەك.
ەسكە سالا كەتەيىك، سااكاشۆيلي بيىلعى جىلدىڭ مامىر ايىندا ودەسسا وبلىسىنىڭ گۋبەرناتورى بولىپ تاعايىندالعان ەدى. گرۋزيانىڭ بۇرىنعى پرەزيدەنتى وسىنىڭ الدىندا ۋكراين ازاماتتىعىن العان بولاتىن.
پىكىر قالدىرۋ