COVID-19 ىندەتىن جۇقتىرۋ مەن ودان كوز جۇمۋ جاعدايلارى تۇراقتالا باستادى. بۇل تۋرالى ورتالىق كوممۋنيكاسيالار قىزمەتىندە وتكەن بريفينگ بارىسىندا دەنساۋلىق ساقتاۋ ءمينيسترى الەكسەي سوي مالىمدەدى.

بۇگىندە كوروناۆيرۋستىق ينفەكسيانى جۇقتىرۋدىڭ تاۋلىكتىك ءوسىمى 4-تەن 2،1%-عا دەيىن تومەندەدى. جەدەل جاردەم شاقىرتۋ جاعدايلارى 23%-عا ازايدى، ال كەيبىر قالالاردا بۇل كورسەتكىش ەكى ەسەگە تومەندەدى. 

– «COVID-19-دان جازىلعاندار سانىنىڭ 60%-دان استامعا ارتۋى ديناميكانىڭ تۇراقتالعانىنىڭ بەلگىسى جانە دارىگەرلەرمەن، وڭىرلەردەگى ارىپتەستەرىمىزبەن سويلەسكەندە، ولاردىڭ بىرتىندەپ ادەتتەگى رەجيمدە جۇمىس ىستەي باستاعاندارىن بايقادىق. شارالار جۇيەلى تۇردە جۇزەگە اسىرىلىپ جاتىر. ارينە، دەنساۋلىق ساقتاۋ جۇيەسىن ءبىر ساتتە وزگەرتۋ مۇمكىن ەمەس، دەگەنمەن وڭ وزگەرىستەر بار، جۇمىستار جۇيەلەندىرىلدى، قولجەتىمدىلىك ارتتى، موبيلدىك بريگادالار سانى ۇلعايتىلدى. ەكى اپتا بۇرىن بۇل موبيلدىك بريگادالار بولماعان، ال بۇگىن ايتارلىقتاي ءوسىمدى كورىپ وتىرمىز، – دەدى مينيستر.

قازىرگى كەزدە 3 مىڭعا جۋىق موبيلدىك بريگادا قۇرىلدى. جالپى توسەك-ورىن قورى 50 مىڭعا دەيىن ارتتى. مەديسينالىق ۇيىمداردا پروۆيزورلىق توسەك-ورىندار جۇكتەمەسى 20%-عا جانە رەانيماسيالىق توسەك-ورىندار 6%-عا ازايدى. اۋرۋحانالاردا 1958 ءوجج اپپاراتى بار، قوسىمشا 4183 اپپارات ساتىپ الىنادى. ولاردىڭ ۇشتەن ءبىرى وتاندىق ءونىم.

– الداعى 2 ايدا اتالعان قوندىرعى قازاقستاندا جاسالادى جانە مەديسينالىق ۇيىمدارعا جەتكىزىلەدى. سونىمەن قاتار، قازىرگى كەزدە شتاتتىق رەجيمدە جەتكىزىلىمدەر جۇزەگە اسىرىلىپ وتىر. جاقىن ارادا بارلىق مەديسينالىق ۇيىمداردى وكپەنى جاساندى جەلدەتۋ اپپاراتتارىمەن تولىقتاي جابدىقتالادى. سونداي-اق مەملەكەت پەن ازاماتتاردىڭ كومەگىمەن 21 880 توسەك-ورىن وتتەگىمەن، ونىڭ ىشىندە 17 762ء-ى وتتەگى كونسەنتراتورلارىمەن قامتاماسىز ەتىلەدى، – دەدى ا. سوي.