قازاقستاندىق كاسىپكەر، ميلليونەر تالعات بايتازييەۆتىڭ بالاسى پاريجدەگى Four Seasons Hotel George V Paris دەپ اتالاتىن بەس جۇلدىزدى ءقوناقۇيدىڭ الدىندا كوللەكسيالىق اۆتوكولىكتەرىن كورمەگە قويدى.  بۇل اقپارات "ۆكونتاكتە" الەۋمەتتىك جەلىسىندەگى CarsKz اۆتوتوبىندا جاريالاندى. بۇل تۋرالى «قامشى» پورتالى tengrinews.kz-كە سىلتەمە جاساي وتىرىپ حابارلايدى.

"ىشىندە ىلۋدە ءبىر كەزدەسەتىن سۋپەركارلارى بار سارى كورتەجدى ءجيى كورمەيسىڭ"، - دەلىنگەن حابارلامادا. سوندا ميحايل بايتازييەۆتىڭ اۆتوموبيلدەرىنىڭ سۋرەتتەرى، اتاۋلارى جانە باعالارى كەلتىرىلگەن.

"قۋاتى 775 اتتىڭ كۇشى بار Ferrari F12 Berlinetta Mansory Stallone. بار جىلدامدىعى - ساعاتىنا 350 شاقىرىم. 0-دەن 100 شاقىرىمعا دەيىنگى جىلدامدىقتى 3 سەكۋندتا اسىرادى. قۇنى - 600 مىڭ ەۆرو. 

Gronos G63 AMG 6×6 - الەم بويىنشا جالعىز. مۇنى ونىڭ بەلگىلەرىنەن بايقاۋعا بولادى. تيۋنينگ-شەبەرحانا ونى 840 اتتىڭ كۇشى بار جول تالعامايتىن كولىككە اينالدىردى. 100 شاقىرىمعا دەيىنگى جىلدامدىقتى 6،1 سەكۋندتا اسىرادى. باعاسى - شامامەن 1 ميلليون ەۆرو. 

Mercedes S63 AMG Mansory. قۋاتى 800 نەمەسە 1000 اتتىڭ كۇشىنە تەڭ. ءجۇز شاقىرىم جىلدامدىققا 3،6 نەمەسە 3،2 سەكۋندتا اسىرادى، بار جىلدامدىعى ساعاتىنا 300 شاقىرىم. سەدان ءتۇرىنىڭ قۇنى 500 مىڭ ەۆرو".
تالعات بايتازييەۆ 49 جاستا، ول اتىراۋ مۇناي-گاز ينستيتۋتىنىڭ تۇلەگى، 2004-2012 جىلدار ارالىعىندا اتىراۋ مۇناي وڭدەۋ زاۋىتىن باسقاردى. 2012 جىلدىڭ جەلتوقسانىندا Batumi Industrial Holdings Ltd كومپانياسىنىڭ باس ديرەكتورى بولىپ تاعايىندالدى. بيىلعى ناۋرىزدا كاسىپكەردىڭ مولداۆا مەتاللۋرگيا زاۋىتىنىڭ باس ديرەكتورى بولىپ تاعايىندالعانى حابارلانعان ەدى.