شىمكەنت قالاسىنا عابيدۋللا راحمەتوللا ۇلى اكىم  بولىپ تاعايىندالدى.  بۇل تۋرالى «قامشى» پورتالى قازاقپاراتقا سىلتەمە جاساي وتىرىپ حابارلايدى. عابيدۋللا  ءابدىراحيموۆتىڭ جاسى 40-تا. نەگىزگى ماماندىعى بويىنشا ەكونوميست-بۋحگالتەر. ول «بولاشاق» باعدارلاماسىمەن گەرمانيادا ماگيستراتۋرانى بىتىرگەن. 2013 جىلدان بەرى پرەزيدەنت اكىمشىلىگى جەتەكشىسىنىڭ ورىنباسارى قىزمەتىندە ىستەگەن.

شىمكەنت قالاسىنىڭ بۇرىنعى اكىمى دارحان ساتىبالدى وڭتۇستىك قازاقستان وبلىسى اكىمىنىڭ ورىنباسارى بولىپ تاعايىندالعان.

1996-1997 جىلدارى - قازاق مەملەكەتتىك اگرارلىق ۋنيۆەرسيتەتىنىڭ اسسيستەنتى.

1999-2000 جىلدارى - قازاقستان رەسپۋبليكاسىنىڭ مەملەكەتتىك قىزمەت ىستەرى اگەنتتىگىنىڭ نورماتيۆتىك-قۇىقتىق جۇمىستار دەپارتامەنتىنىڭ باس مامانى، مەملەكەتتىك قىزمەتتى قۇقىقتىق قامتاماسىز ەتۋ دەپارتامەنتىنىڭ ءبولىم باستىعى.

2000-2001 جىلدارى -   قازاقستان رەسپۋبليكاسىنىڭ مەملەكەتتىك قىزمەت ىستەرى اگەنتتىگى ءتوراعاسىنىڭ كەڭەسشىسى.

2001-2003 جىلدارى - قازاقستان رەسپۋبليكاسىنىڭ مەملەكەتتىك قىزمەت ىستەرى اگەنتتىگى ءتوراعاسىنىڭ ورىنباسارى.

2003-2005 جىلدارى - قازاقستان رەسپۋبليكاسىنىڭ مەملەكەتتىك قىزمەت ىستەرى اگەنتتىگىنىڭ ءتوراعاسى.

2005-2008 جىلدارى - قازاقستان رەسپۋبليكاسىنىڭ مەملەكەتتىك قىزمەت ىستەرى اگەنتتىگى ءتوراعاسىنىڭ ءبىرىنشى ورىنباسارى.

2008 جىلدىڭ قاڭتارى مەن قازانى ارالىعىندا - قازاقستان رەسپۋبليكاسىنىڭ مەملەكەتتىك قىزمەت ىستەرى اگەنتتىگىنىڭ ءتوراعاسى.

2008-2012 جىلدارى - قازاقستان رەسپۋبليكاسى پرەمەر-مينيسترى كەڭسەسىنىڭ باسشىسى.

2012-2013 جىلدارى - قازاقستان رەسپۋبليكاسىنىڭ باسەكەلەستىكتى قورعاۋ اگەنتتىگىنىڭ (مونوپولياعا قارسى اگەنتتىك) ءتوراعاسى.

2013 جىلعى قاڭتاردا مەملەكەت باسشىسىنىڭ جارلىعىمەن قازاقستان رەسپۋبليكاسى پرەزيدەنتى اكىمشىلىگى باسشىسىنىڭ ورىنباسارى بولىپ تاعايىندالدى.

قازاق، ورىس جانە اعىلشىن تىلدەرىن مەڭگەرگەن.

«قۇرمەت» وردەنىمەن ماراپاتتالعان (2006)، 3 مەدالى بار.