ۇلتتىق بانك 20 تامىزدا تەڭگەنىڭ جاڭا باعامىن بەكىتتى. ول دوللارىنا 255،26 تەڭگەنى قۇرادى. الايدا قازاقستان ءوز ۆاليۋتاسىن السىرەتۋگە تۋرا كەلگەن جالعىز مەملەكەت ەمەس دەپ حابارلايدى. "قامشى" اقرپاراتتىق پورتالى  NUR.KZ-كە سىلتەمە جاساي وتىرىپ

دوللار قۇنى 182،35 تەڭگە بولعان جىل باسىمەن سالىستىراتىن بولساق، وتاندىق ۆاليۋتا 39،9%-عا ارزاندادى.

قارجىگەر ايدارحان قۇسايىنوۆتىڭ مالىمەتتەرىنە سۇيەنسەك، اعىمداعى جىلدا ءوز ۆاليۋتاسىن كەمىندە 10%-عا ديەۆالۆاسياعا ۇشىراتقان ەلدەر اراسىندا دامىعان مەملەكەتتەر دە بار.

– نورۆەگيالىق كرونا جىل ىشىندە 32،9%-عا تۇسكەن؛

– كانادالىق دوللار – 19،9%؛

– اۆستراليالىق دوللار – 26،2%؛

– ەۋرو – 20،0%؛

– بەلورۋسسيالىق رۋبل – 54%؛

– ءازىربايجاندىق مانات – 40%؛

– گرۋزيندىك لاري – 35،3%؛

– قىتايلىق يۋان – 4،2%؛

– وڭتۇستىككورەيالىق ۆونا – 16،2%؛

– جاپوندىق يەنا – 21،0%؛

– سينگاپۋرلىق دوللار – 12%؛

– تۇركيالىق ليرا – 32%؛

– مالايزيالىق رينگگيت – 32،3%؛

الەمنىڭ جەتەكشى ۆاليۋتالارىنىڭ دوللارعا شاققانداعى قۇنى جالپى العاندا 15%-عا تۇسكەن.

ۆتب 24 ينۆەستيسيالىق دەپارتامەنتىنىڭ باس ساراپشىسى ستانيسلاۆ كلەششيەۆ تەڭگەنىڭ قۇلدىراۋى بەلورۋسسيالىق رۋبل جانە ۋكراينالىق گريۆنامەن بىردەي دەڭگەيگە جەتكەنىن ايتۋدا. اتالمىش ۆاليۋتالار جىل باسىنان بەرى ديەۆالۆاسيا مولشەرى تۇرعىسىنان توپ جارعان بولاتىن دەپ جازادى ربك.

قازاقستان تمد ەلدەرى اراسىندا ديەۆالۆاسيا جارىسىنا سوڭعى بولىپ قوسىلدى.

«قازاقستان حالىق بانكى باسەكەلەستىكتىڭ باسىم بولشەگىنەن ايىرىلعانىنا بايلانىستى بۇل قادامعا باردى. رەسەي قازاقستاننىڭ ساۋداداعى نەگىزگى ارىپتەسى بولعاندىقتان، شيكىزات تاۋارلارىنا باعانىڭ ءتۇسۋى اياسىندا ءرۋبلدىڭ السىرەۋى قازاقستانعا دا اسەر ەتتى. جاقىندا قىتايلىق ءيۋاننىڭ السىرەۋى قوسىشما فاكتور بولۋى مۇمكىن»، – دەپ جازدى ءوز شولۋىندا Sberbank CIB ساراپشىسى توم ليەۆينسون.