اعايىن، مەن كەشە قاعىس ەستىدىم بە، الدە، پرەزيدەنت ناقتى سولاي ايتتى ما؟ 2019 جىلعا دەيىن مەملەكەتتىك قىزمەتكەرلەردىڭ جالاقىسىن وسىرۋگە ماراتوريي جاريالانادى دەدى مە؟ ولاي دەگەنى "مەن قايىرشى ەلدىڭ پرەزيدەنتى بولعىم كەلەدى"، - دەگەنى ەمەس پە؟ قاراڭىزدار: ءماسىم اكا «جەرگىلىكتى جالپاقبايلارعا باعانى ءوسىرۋدى قانشالىقتى قاتاڭ باقىلا»،- دەسە دە، ءبارىبىر ءبىر تيىنىن ەكى ەتۋدى كوزدەيتىن ساۋدەگەرلەر مۇنداي مۇمكىندىكتى قۇر جىبەرمەيدى. ءتىپتى، باسقا جاقتى قويىپ، الاقانداي ەسىك قالاسىنىڭ وزىندە كوپتەگەن دۇكەندەر ەسىكتەرىن تارس جاپتى، تاۋارلارىنىڭ باعاسىن 15-20 پايىزعا كوتەرىپ تاستادى. حالىق ەڭ كوپ تۇتىناتىن تاۋارلاردى سورەنى قويىپ، جەرتولەگە توعىتىپ جاتىر. وسىدان كەيىن باعا وسپەيدى دەگەنگە 90 جىلدارداعى قىسىلتاياڭدى كورگەن مەن تۇگىلى بەس جاستاعى بەكنياز (ۇلىم) دا سەنبەيدى. ال، جالاقى كوتەرىلمەيدى دەگەنگە ەلباسىنىڭ ءوزى ايتقان سوڭ سەنەمىن. سوندا، تاپقانىڭ تاماعىڭا جەتپەسە، قايىرشى بولماعاندا نەمىز قالدى؟ وزىندە وندىرەتىن بىردە-بىر ءونىمى جوق ەلدەگى باعا سەنىڭ شەنەۋنىك ەكەنىڭدى ۇرعانى بار ما؟ ءتىپتى نارىنقولدان تەڭگەمەن كەلگەن كارتوپ تا الماتىلىق الىپساتاردىڭ قولىنا تۇسكەندە ۆاليۋتاعا العانداي بوپ اسپانداپ شىعا كەلەدى. ەندى...؟

دوسىم زىكىريا،Facebook پاراقشاسىنان الىندى