پرەزيدەنت نۇرسۇلتان نازاربايەۆ ق ر قاۋىپسىزدىك كەڭەسىن جەدەل جينادى. بۇل تۋرالى «قامشى» پورتالى تengrinews.kz-كە سىلتەمە جاساي وتىرىپ حابارلايدى.

اقورداداعى كەڭەسكە قاۋىپسىزدىك كەڭەسىنىڭ تۇراقتى مۇشەلەرى مەن مەملەكەتتىك ورگان باسشىلارى قاتىسقان. اقوردانىڭ مالىمەتىنشە، كەڭەستە ورگانداردىڭ قىزمەتىن جەتىلدىرۋ، تالداۋ جانە بولجاۋ جۇمىستارىنىڭ ساپاسىن ارتتىرۋ ماسەلەلەرى مەن   ينفلياسيالىق تارگەتتەۋ رەجيمىنىڭ نەگىزىندەگى جاڭا اقشا-كرەديت ساياساتىن جۇزەگە اسىرۋعا ءوتۋ، ۆاليۋتا ءدالىزىن الىپ تاستاپ، ەركىن اۋىتقۋ دالىزىنە ءوتۋ تۋرالى ماسەلەلەر قاراستىرىلعان.

سونداي-اق،  مەملەكەت باسشىسى سىرتقى نارىقتارداعى ۇدەرىستەردى مۇقياتتىلىقپەن مونيتورينگتەۋ، احۋالدىڭ وزگەرۋىن، ىقتيمال تاۋەكەلدەر مەن قاتەرلەردى باعالاۋ، سونداي-اق وقيعالاردىڭ دامۋىن بولجاۋ نەگىزىندە الدىن الۋ شارالارىن ازىرلەۋ قاجەتتىگىن اتاپ وتكەن.

قازاقستان پرەزيدەنتى مەملەكەتتىك ورگانداردىڭ الەۋمەتتىك-ەكونوميكالىق دامۋ، سونداي-اق بەس ينستيتۋسيونالدىق رەفورمانىڭ جانە "نۇرلى جول" باعدارلاماسىنىڭ ستراتەگيالىق مىندەتتەرىن جۇزەگە اسىرۋ جونىندەگى جۇمىستارى ەل ىشىندەگى جانە الەمدەگى جاعدايدى جان-جاقتى تالداۋعا نەگىزدەلۋى ءتيىس ەكەندىگىن ايتتى.

ايتا كەتەيىك، 20 تامىزدا ق ر ۇكىمەتى ۇلتتىق بانكپەن بىرىگىپ، تەڭگەنىڭ ەركىن اۋىتقۋ باعامىنا ءوتۋ تۋرالى شەشىم شىعاردى. مۇنداي شەشىم الەمدىك ەكونوميكاداعى جاعىمسىز فاكتورلاردىڭ كۇشەيۋىنىڭ نەگىزىندە قابىلدانعان.  
 

نۇرزات توعجان