ەڭبەك شارتىنا سايكەس، ءبىر جىلدا قىزمەتكەرگە 12 ەڭبەكاقى تولەۋ كوزدەلگەن. الايدا كەي كومپانيالار ءۇشىن 13-جالاقى تولەۋ ءتارتىبى قالىپتى سانالادى، دەپ جازادى نۋرفين.

13-جالاقى تولەۋ سوسياليستىك قوعامعا ءتان بولعان. قازىرگى نارىق زامانىندا بۇل ماسەلەنى ءار كومپانيا جەكە شەشەدى ءارى 13-جالاقى بىرتىندەپ قىزمەتكەردىڭ جەتىستىگى مەن ەڭبەك ونىمدىلىگىنە قاراي جىل سوڭىندا تولەنەتىن سىياقىعا اينالعان. ءبىراق بۇل دا كومپانيا قۇزىرىنداعى شارۋا.

13-جالاقى ەڭبەك كودەكسىنىڭ 107-بولىمىنە سايكەس ەڭبەك شارتىندا كوزدەلگەن جاعدايدا عانا تولەنۋگە مىندەتتى بولىپ سانالادى.

مۇنداي ىنتالاندىرۋ ادەتتە ۇيىم جارعىسىندا جازىلادى.

ەگەر 13-جالاقى تاعايىنداۋ قۇجات تۇرىندە راسىمدەلگەن بولسا، وندا قىزمەتكەر جىل تابىستى بىتكەنىنە قاراي، سىياقىعا يەك ارتا الادى. بۇل جەردە ەڭبەك شارتىندا ءتيىستى پۋنكتتىڭ بولۋى جانە قىزمەتكەردىڭ ىشكى ەرەجەلەردى بۇزباعانى  ماڭىزدى.

13-جالاقى تولەۋ تۋرالى مىندەتتەمەنىڭ ەڭبەك شارتىنا ەنگىزىلۋى جۇمىس بەرۋشىنىڭ قالاۋىنا تىكەلەي بايلانىستى.