الماتىداعى قۇرىلىستان ادام دەنەلەرىنىڭ قالدىقتارى تابىلدى

/uploads/thumbnail/0_small.jpg

photo_111948

الماتىداعى العاباس جاڭا شاعىن اۋدانىنىڭ قۇرىلىسىندا ادام قالدىقتارى تابىلعانى جونىندە "31 ارنانىڭ" جاڭالىقتار قىزمەتى مالىمدەدى.  قوعام بەلسەندىلەرى بۇل قالدىقتار 1986 جىلعى كوتەرىلىس قۇرباندارىنىكى بولۋى مۇمكىن دەگەندى العا تارتادى.

"جەلتوقسان اقيقاتى" قوزعالىسىنىڭ جەتەكشى ورىنباسارى بەيسەنباي قۇسبەكوۆتىڭ ايتۋىنشا، وندا ءتىپتى، ادامداردى جەرلەگەن كەزدەگى كيىمدەرى دە ساقتالعان. ول: " مەن جەرلەۋ راسىمدەرىن وتكىزەتىن بيۋروعا حابارلاسقانىمدا، ولار تابىلعان دەنەلەردىڭ بار ەكەندىگىن راستادى. مەنىڭ ويىمشا، ولار جەلتوقسان وقيعاسىنا قاتىناسقان الاڭداعى كوتەرىلىسشىلەر. ولار  مۇسىلماندىق جولمەن راسىمدەلىپ،  جەرلەنۋى كەرەك. سولاردىڭ ارقاسىندا ءبىز ءوز تاۋەلسىزدىگىمىزدى الدىق" دەيدى.

دەي تۇرعانمەن، الماتى ءىىم-ى مۇنداي بولجامدى راستاي قويعان جوق. ادام قالدىقتارى تابىلا سالىسىمەن، بىردەن ونى تەكسەرىسكە جىبەرگەن. "ەكسپەرتيزالىق مالىمەتتەر ادام سۇيەكتەرىنىڭ تۇرعانىنا 50 جىل ۋاقىت بولعانىن دالەلدەدى. تەرگەۋ باستالماي تۇرىپ، بۇل جەردە  بۇرىنىراقتا مازار بولعانى  بەلگىلى بولدى" دەپ حابارلادى ءىىم باسپا ءسوز قىزمەتىنىڭ باسشىسى سالتانات ازىربەك.

پىكىر قالدىرۋ

قاتىستى ماقالالار