الماتى وبلىسىنا قاراستى كوكقاينار اۋىلىنىڭ تۇرعىندارى بالالارىنىڭ مۇلدەم قولايسىز جاعدايدا ءبىلىم الىپ جاتقاندارىن ايتىپ، نارازىلىق بىلدىرگەن. كوكقاينارداعى مەكتەپتىڭ تۇرعىزىلعانىنا بيىل 60 جىلدان اسقان، نە اسحاناسى، نە كيىم شەشىنەتىن بولمەسى، نە جاتتىعۋ زالى جوق بۇل مەكتەپكە اۋىلدىق وكرۋگ باسشىلارى جوندەۋ جۇمىستارىن جۇرگىزبەگەن-مىس. بۇل تۋرالى «قامشى» پورتالى كتك ارناسىنا سىلتەمە جاساي وتىرىپ حابارلايدى.

كوكقاينار اۋىلىنداعى مەكتەپتە ءقازىر 200-دەن استام بالا ءۇش اۋىسىمدا ءبىلىم الۋدا. اتا-انالاردىڭ ايتۋىنشا، بالالار  ءبىر پارتاعا ۇش-ۇشتەن وتىرىپ ءجۇر.

كوكقاينارلىق مەكتەپ 1950-جىلى بوي كوتەرگەن. مەكتەپ عيماراتىندا اۋىز سۋ، جاتتىعۋ زالى، مەدپۋنكت جانە كيىم شەشىنەتىن بولمە مۇلدە جوق. ال دەنە شىنىقتىرۋ ساباقتارى سىنىپتىڭ ىشىندە وتكىزىلەتىن كورىنەدى.

شاماممەن 15 جىلدان بەرى جەرگىلىكتى تۇرعىندار مەكتەپ ماسەلەسىن شەشىپ بەرۋدى ءوتىنىپ اكىمدىكتىڭ تابالدىرىعىن توزدىرعانىمەن، ناتيجە جوق.

«بالالار ءبىر پارتاعا ۇش-ۇشتەن وتىرادى. سوندا ولار نەنى ۇيرەنەدى؟ ولار قالاي جازىپ، قالاي وقيدى وندا؟ ءقازىر تاعى ءبىر ءسارى.ال كۇز، قىس مەزگىلدەرىندە ءتىپتى مۇمكىن ەمەس مۇندا كىرۋ. ەدەندەرى كوگەرىپ كەتكەن. بۇل بالالاردىڭ دەنساۋلىعىنا دا زيان عوي»،-دەيدى اتا-انالاردىڭ ءبىرى مارينا گريبوك.

تۇرعىندار شاعىمدارىن اۋداندىق اكىمدىككە دە جەتكىزگەنىمەن، ونداعىلار قۇرعاق ۋادەمەن قايتارعان. جەرگىلكتى تۇرعىندارمەن كەزدەسۋگە اكىمدىك وكىلدەرى كەلمەيدى دە.  ال اكىمشىلىكتەگىلەر اۋىلدىق مەكتەپتەر ماسەلەسىن باياعىدا-اق شەشىپ تاستاعانبىز دەيدى.

اۋدان اكىمدىگىندەگىلەر «100 مەكتەپ، 100 اۋرۋحانا» باعدارلاماسى اياسىندا 2016-2017 جىلدارعا ارنالعان جوسپار دايىن. وندا اۋەلى جاپەك باتىر اۋىلىندا جانە كوكقايناردا مەكتەپ قۇرىلىسى باستالادى دەپ كورسەتىلگەن. جاڭا مەكتەپ 200 ورىنعا شاقتالعانىمەن وندا دارەتحانا، اسحانا، مەدپۋنكت جانە ت.ب. جابدىقتالادى دەيدى اكىمدىكتەگىلەر.

نۇرزات توعجان