پەتروپاۆلدا سولتۇستىك قازاقستان وبلىسى قارجى پوليسياسىنىڭ ءبىرىنشى ورىنباسارى جاندوس احمەتوۆ ءوز ءۇيىنىڭ كىرە بەرىسىندە  قىلمىسكەردىڭ قولىنان قازا بولدى.

ونىڭ جانسىز دەنەسى كەشكى 20:00 شاماسىندا ءۇيىنىڭ كىرەبەرىسىنەن تابىلدى، دەپ حابارلايدى  Today.kz. الدىن الا بولجام بويىنشا، جاندوس احمەتوۆكە بىرنەشە رەت وق اتىلعان.

ءمايىت تابىلعان جەر ءقازىر قورشاۋعا الىندى. وقيعا ورنىندا قۇقىق قورعاۋشىلار جۇمىس ىستەۋدە.

اتالمىش وقيعا بويىنشا، سولتۇستىك قازاقستان وبلىسى ءىىم   ق ر قىلمىستىق كودەكسىنىڭ 96 بابىنا (ادام ولتىرگەنى ءۇشىن) سۇيەنىپ، ءىستىڭ بارلىق نۇسقالارى قارالىپ، تەكسەرىلۋدە. حابارلامادا: "احمەتوۆتىڭ ءولىمى ونىڭ ىسكەرلىك قىزمەىنە بايلانىستى دەگەن تۇجىرىمدى جوققا شىعارمايمىز" دەلىنگەن.

جاندوس احمەتوۆ قارجى پوليسياسىنىڭ ورگاندارىندا 2012 جىلدىڭ مامىر ايىنان باستاپ قىزمەت اتقارىپ كەلگەن.