ق ر ەنەرگەتيكا ءمينيسترى ۆلاديمير شكولنيك قازاقستان مەن ەاەو ەلدەرىندەگى جانارماي باعاسىن سالىستىرا وتىرىپ، ەلىمىزدە جانارماي وتىنىنىڭ 1 ليتردەگى باعاسى كورشى مەملەكەتتەرگە قاراعانداي ايتارلىقتاي ارزان ەكەنىن اتاپ وتكەن. بۇل تۋرالى «قامشى» پورتالى Total.kz-كە سىلتەمە جاساي وتىرىپ حاارلايدى.

«رەسەيدەگى جانارماي بەكەتتەرىندە اي-92 ماركالى بەنزيننىڭ باعاسى ليترىنە 143 تەڭگەنى قۇرايدى. ال بىزدە اتالمىش ماركاداعى بەنزيننىڭ ورتاشا باعاسى 125 تەڭگە. بۇل ارزان ەمەس پە؟ ايتپەسە، ءبىز  سول بەنزيندى رەسەيدەن كوتەرمە باعادا يمپورتتايمىز. ونىڭ ۇستىنە رەسەيدە  ارتىق سالىق جوق. تەك ءوزىمىزدىڭ ەلگە كىرگەننەن كەيڭىن عانا اكسيزدەۋ ءۇشىن سالىق سالامىز. بۇل ازىرگە ءتيىمدى ەمەس پە؟!»،-دەيدى ءمينيسترى شكولنيك مىرزا.

سونداي-اق، ەنەرگەتيكا ءمينيسترى شكولنيك مىرزا قازاقستاندا اي-92 ماركالى جانارماي وتىنىنىڭ قورى جەتكىلىكتى ەكەنىن اتاپ وتكەن. «ءقازىر قور جەتكىلىكتى. ءبىراق، ارى قاراي قالاي بولماق؟»،-دەگەن مينيستر مىرزا وتكەن جىلعىلارمەن سالىستىرا كەلە دوللاردىڭ تەڭگەگە شاققانداعى باعامىنا الاڭداۋشىلىق بىلدىرگەن.

مىسالى، وتكەن جىلى اي-92 ماركاسى 128 تەڭگەنى قۇراعاندا كۋرس – 150 تەڭگە ەدى. ال بەنزين دوللارمەن ەسەپتەگەندە 80 سەنت تۇردى. ءقازىر باعا 125 تەڭگە ليترىنە، ال دوللار 270. دەمەك بەنزين باعاسى 40 سەنتكە قۇلدىرادى. ياعني، بەنزيننىڭ دوللارداعى ۇلەسى ازايعان. ءبىراق، ءبىز ەسەپتى تەڭگەمەن ايىرامىز عوي. دەمەك، تەڭگە مەن ءرۋبلدىڭ دوللارعا شاققانداعى باعامى قانداي بولماق، سوعان تىكەلەي بايلانىستى دەگەن ءسوز. سونىمەن قاتار، مينيستر مىرزا بەنزيننىڭ تاعدىرى قانداي بولماق دەگەن جۋرناليستەردىڭ سۇراعىنا «ماعان ەڭ بولماعاندا تەڭگەنىڭ باعامىنا قاتىستى ءبىر بولجام ايتىپ بەرىڭىزدەرشى، مەن سىزدەرگە بەنزيننىڭ نە بولاتىنىن ايتامىن»، -دەپ جاۋاپ قايىرعان.

نۇرزات توعجان

«قامشى» سىلتەيدى