جاقىندا پاۆلودار قالالىق ءماسليحاتىنىڭ دەپۋتاتى پەتر ۆىرۆينسكيي ماس كۇيىندە كولىك جۇرگىزگەندىگى ءمالىم بولدى. بۇل تۋرالى «قامشى» پورتالى تengrinews.kz-كە سىلتەمە جاساي وتىرىپ حابارلايدى. بۇل تۋرالى پاۆلودار قالالىق اكىمشىلىك سوتى جەتكىزگەن.

سوت وكىلدەرىنىڭ مالىمەتىنشە، ەر ادام قالانىڭ ورتالىق كوشەلەرىنىڭ بىرىندە توقتاتىلعان. ماس كۇيىندە كولىك جۇرگىزگەنى ءۇشىن حالىق قالاۋلىسىنا قاتىستى اكىمشىلىك حاتتاما تولتىرىلعان. دەپۋتات ۆىرۆينسكييدىڭ قان قۇرامىندا الكوگولدىڭ بار ەكەندىگى مەديسينالىق كۋالاندىرۋ ارقىلى راستالدى. "سوتتىڭ قاۋلىسىنا سايكەس، پەتر ۆىرۆينسكيي "كولىك قۇرالىن ماس كۇيىندە جۇرگىزۋ" بابى بويىنشا قۇقىقبۇزۋشىلىقتى جاسادى دەپ تانىلىپ، كولىك جۇرگىزۋ كۋالىگىنەن ءۇش جىل مەرزىمگە ايىرىلدى"، - دەلىنگەن پاۆلوداردىڭ اكىمشىلىك سوتىنداعىلار.

ايتا كەتەيىك، 53 جاستاعى دەپۋتات ازاماتتاردىڭ قۇقىعى مەن زاڭدىلىعىن ساقتاۋ بويىنشا قالالىق ءماسليحاتتىڭ كوميسسياسىنا مۇشە بولعان.

«قامشى» سىلتەيدى