ق ر پرەزيدەنتى نۇرسۇلتان نازاربايەۆ اقش-قا رەسمي ءىس-ساپارى كەزىندە Guggenheim، JP Morgan، Pfizer، Blackstone سياقتى كومپانيالار وكىلدەرىمەن، ينۆەستيسيالىق قور مەن قارجى ينستيتۋتتارىنىڭ جەتەكشىلەرىمەن كەزدەسكەن. بۇل تۋرالى «قامشى» پورتالى Today.kz-كە سىلتەمە جاساي وتىرىپ حابارلايدى.
كەزدەسۋ بارىسىندا كومپانيالاردىڭ قازاقستان ەكونوميكاسىن دامىتۋدىڭ باسىم باعىتتارى، ونداعى اقش كومپانيالارىنىڭ ىقپالى مەن استانانىڭ حالىقارالىق قارجى ورتالىعىن قۇرۋ اياسىندا ىنتىماقتاستىق ماسەلەلەرى تالقىلانعان. اتاپ ايتار بولساق، الداعى «استانا ەكسپو-2017» حالىقارالىق كورمەسى مەن ونىڭ نەگىزىندە استانانىڭ حالىقارالىق بيزنەس ورتالىعىن قۇرۋ ماسەلەسىنە ەرەكشە كوڭىل ءبولىندى.
مەملەكەت باسشىسى بەرىلگەن جوبالاردا اقش كومپانيالارىنىڭ بەلسەندى ات سالىساتىنىنا سەنىمدىلىك ءبىلدىرىپ، ەكى جاقتى پايدالى نەگىزدەگى ىنتىماقتاستىق ماسەلەلەرىن كوتەرگەن.
قورتىندى سوزىندە، مەملەكەت باسشىسى نۇرسۇلتان نازاربايەۆ بۇگىندە اقش كومپانيالارىنىڭ ەكونوميكامىزدىڭ بارلىق سالاسىندا قىزمەت اتقارىپ كەلە جاتقانىنىن اتاپ وتكەن.
پىكىر قالدىرۋ