بۇگىن ماڭعىستاۋ اۋدانىندا تۇڭعىش رەت اۋداندىق جاستار ساياساتى ورتالىعى جانىنان بالالار مەن جاسوسپىرىمدەرگە ارنالعان «زياتكەر» اۋلا كلۋبى اشىلدى. كلۋبقا مۇرىندىق بولعان «ماڭعىستاۋ اۋداندىق جاستار ساياساتى ورتالىعى» مەملەكەتتىك كوممۋنالدىق مەكەمەسى مەن اۋداندىق ءبىلىم ءبولىمى.
«زياتكەر» اۋلا كلۋبىندا بالالار مەن جاسوسپىرىمدەردىڭ دەمالۋىنا، دەنساۋلىعىن جاقسارتۋىنا، شىعارماشىلىعىن دامىتۋعا، سونداي-اق، ولاردىڭ قاراۋسىز ءجۇرۋىنىڭ الدىن الۋ ءۇشىن بارلىق جاعدايلار جاسالعان. كلۋبتا ۇزدىك مامانداردىڭ جەتەكشىلىگىمەن شاحمات، توعىزقۇمالاق، شاشكى، دويبى ويىندارى بويىنشا سەكسيالار جۇمىس ىستەيدى.
ايتا كەتەيىك، اتالمىش كلۋب اۋدان بويىنشا تۇڭعىش رەت اشىلىپ، اۋلا كلۋبى اۋداندا تۇراتىن بالالار مەن جاسوسپىرىمدەر كەزدەسەتىن، شىعارماشىلىق يدەيالارىن جۇزەگە اسىراتىن جانە دەمالىس ورتالىعىنا اينالدى. جاسوسپىرىمدەر مەن جاستار مۇددەلى كلۋبتار مادەني ءىس-شارالار مەن دەمالىس ۇيىمداستىرۋ ارقىلى ولاردى كوشەدەگى زياندى اسەرلەردەن قورعايدى. اۋلا كلۋبىن اشۋدىڭ ماقساتى – دەمالىستى ۇيىمداستىرۋ، جاستار مەن جاسوسپىرىمدەردىڭ شىعارماشىلىق باستامالارىن قولداۋ، جاستار زياتكەرلىگىن دامىتۋ، سالاۋاتتى ءومىر سالتىن ناسيحاتتاۋ، جاستاردى حالىق شىعارماشىلىعىنا تارتۋ، مادەني - اعارتۋشىلىق ءىس - شارالار وتكىزۋ بولىپ تابىلادى.
«ءۇش اي سايىن جانە التى اي، توقسان سايىن جانە ءتىپتى جىل سوڭىندا ۇزدىك اۋلا كلۋب مۇشەلەرى ماراپاتتالىپ تۇراتىن بولادى. ازىرگە شەتپە باسىنداعى ورتا مەكتەپتەردەن 70 -كە جۋىق وقۋشى جاستار كلۋبقا قاتىسۋعا نيەت ءبىلدىرىپ وتىر. جىل سايىن كلۋب قابىرعالارىندا حالىقتىڭ ءتۇرلى توپتارىنان شىققان مىڭداعان بالا تەگىن تاربيەلەنىپ شىعادى: جەتىم، تۇرمىسى تومەن وتباسىلاردان شىققان، ديەۆيانتتى بالالار جانە ت.ب.» - دەيدى كلۋب جەتەكشىسى ءاليا سەيتانازاروۆا .
ماڭعىستاۋ اۋدانى اكىمىنىڭ اپپاراتى
«قامشى» سىلتەيدى
پىكىر قالدىرۋ