وسىنداي تاقىرىپتا بۇگىن اۋداندىق جاستار ساياساتى ورتالىعى جانە  ماڭعىستاۋ تەحنيكالىق كوللەدجى اكىمشىلىگىنىڭ ۇيىمداستىرۋىمەن  ماڭعىستاۋ تەحنيكالىق كوللەدجىندە پاتريوتتىق باسقوسۋ جيىنى بولىپ ءوتتى. جيىنعا اۋدانداعى ەڭبەك ارداگەرلەرى جانە بەلسەندى جاستار، «كاسپييسەمەنت» ج ش س جاس ماماندارى، كوللەدج ستۋدەنتتەرى قاتىستى.جيىندى ورتالىق باسشىسى اللابەرگەن قوناربايەۆ اشىپ، جيىننىڭ ماقسات مىندەتىن  ءتۇسىندىرىپ، ەڭبەك كۇنىنىڭ جاستار ءۇشىن ماڭىزدىلىعىن ايتىپ كەڭىنەن توقتالدى. جاستارمەن كەزدەسۋگە ەڭبەك ارداگەرلەرى ءومىر ساعىندىقوۆ، جۇماعۇل سەلبايەۆ، مەملەكەتتىك قىزمەت سالادا ۇزاق جىل بويى ەڭبەك ەتكەن جالعاس جاپاقوۆتار قاتىستى. سونداي اق جيىندا ارداگەرلەر جاستارعا ەڭبەكسۇيگىشتىك  تۋرالى  وزدەرىنىڭ وي پىكىرلەرىن، العاشقى تالىمگەرلەرى تۋرالى ورتاعا سالدى.  جيىندا جاستار تاراپىنان «كاسپييسەمەنت» ج ش س جانىنداعى جاستار ءىسى جونىندەگى كوميتەت مۇشەلەرى تۇرار تىلەۋحانوۆ پەن مارات ەرنيازوۆتار ءسوز الىپ، كازىرگى قوعام تۋرالى ونىڭ ىشىندە جۇمىسشى جاستار جايىندا پىكىرلەرىن ايتتى.

«بۇگىنگى جيىن كەرەمەت ءوتتى. مەن باياعى جاستىق شاعىمدى ەسىمە ءتۇسىرىپ كوزىمە جاس الدىم. پاتريوتتىق باعىتتاعى ۇيىمداستىرىلعان ەلباسىنىڭ تاپسىرماسىنا وراي 100 ناقتى قادامىنداعى  تاپسىرمالاردىڭ جاستار  ءومىرى ءۇشىن ماڭىزى زور. ءبىر سوزبەن ايتقاندا «ەڭبەك ءبارىن دە جەڭبەك» دەيدى دانا حالقىمىز. ەڭبەك ەتەم دەگەن ادامعا كازىر بارلىق جاعداي جاسالدى عوي. سوندىقتان جاستاردى تەك قانا ەڭبەك ەتۋگە شاقىرامىن.» دەيدى ەڭبەك ارداگەرى جۇماعۇل سەلبايەۆ.

ماڭعىستاۋ اۋدانى اكىمىنىڭ اپپاراتى

 «قامشى» سىلتەيدى