بۇگىن قازاقستان حالقى اسسامبلەياسى «100 ناقتى قادام  ۇلت جوسپارىنىڭ 86، 87 قادامدارىن ىسكە اسىرۋ  ماقساتىندا قازاق حاندىعىنىڭ 550 جىلدىعىنا ارنالعان  «ۇلى دالا ەلى»  رەسپۋبليكالىق تاريحي - مادەني  ەكسپەديسيا قاسيەتتى دە، ءقادىرلى 87 جىلدىق تاريحى بار قاراشاڭىراق  ماڭعىستاۋ  اۋدانىنا  كەلدى. بۇل ەكسپەديسيانىڭ ماقساتى - قازاقستان حالقىنىڭ  تاريحي مادەني جانە رۋحاني  مۇراسىن وقىپ ۇيرەنۋ مەن ناسيحاتتاۋ نەگىزىندە  قازاقستاندىقتاردىڭ بىرەگەيلىگى مەن ۇلتتىق بىرلىگىن نىعايتۋ بولىپ تابىلادى.

تاۋەلسىزدىك الاڭىندا وتكەن پاتريوتتىق  شارادا ءسوزدى الدىمەن اۋدان اكىمى ج.ايتۋاروۆ مىرزا الىپ: «بۇل اۋداندا حالىق جازۋشىسى ءابىش كەكىلبايەۆ، قازاقتان شىققان تۇڭعىش جەلاياق امين تۇياقوۆ، قازاق بوكسىنىڭ اتاسى شوقىر بولتەك ۇلى، قازاق ميفولوگياسىنىڭ بىرەگەي تۇلعاسى سەرىكبول قوندىباي، عالىمدار بەرەكەت جۇمالييەۆ، نۇن جۇبايەۆ، مەكەريا اتىموۆتار دۇنيەگە كەلگەن قاسيەتتى توپىراققا قوش كەلدىڭىزدەر.  ءار شاڭىراققا قۇت-بەرەكە، ىرىس پەن ىنتىماق تىلەيمىن. ەل ىرگەسى امان، كەلەشەگىمىز كەمەل بولسىن!» - دەپ تىلەگىن ارنادى.  جيىندا سونداي-اق «ۇلى دالا ەلى»  ەكپسەديسياسىنىڭ مۇشەسى قازاقستان حالقى اسسامبلەياسىنىڭ وبلىستىق حاتشىلىق مەڭگەرۋشىسى گۇلجان يسمۋرزينا،  اۋداندىق ارداگەرلەر كەڭەسىنىڭ ءتوراعاسى امانقوس ەرتىلەۋوۆ مىرزالار ءسوز الدى.

اتالمىش شارادا ورىس ۇلتىنىڭ وكىلى فەدوتوۆ نيكولاي «اداي» كۇيىن تارتسا، اسسامبلەيا مۇشەلەرى اكيمحان ميزامەدينوۆ، اديلبايەۆ ماناس «تاستەمىردىڭ ءانىن» جانە دە باسقا  پاتريوتتىق اندەر شىرقادى.  ال شەتپەلىك جاستار دارىن قوساي مەن ابدييەۆا ساحي دا «ماڭعىستاۋ»، «العا قازاقستان» اندەرىن تامىلجىتا ورىندادى.

ەكسپەديسيا مۇشەلەرى ودان ءارى اۋدانداعى ايراقتى، شەرقالا، قىزىلقالا سەكىلدى تاريحي مادەني ورىنداردى ارالاپ، تۋعان جەردىڭ تاريحىمەن كەڭىنەن تانىستى.

اتالمىش جەرلەردى اۋدان مەيماندارىنا جۋرناليست، جاستار ورتالىعىنىڭ باسشىسى ا.قوناربايەۆ تانىستىرىپ ءجۇردى. 

ماڭعىستاۋ اۋدانى اكىمىنىڭ اپپاراتى

 «قامشى» سىلتەيدى