وتكەن اپتانىڭ سەنبى كۇنى اۋدان ورتالىعىندا رەسپۋبليكالىق «سالاۋاتتى ءومىر سالتىن ۇستان» ۇرانىمەن وتكىزىلەتىن دەنساۋلىق فەستيۆالىنىڭ ۇرانىمەن “دەنساۋلىق فەستيۆالى-2015” شاراسى ءوتتى.

  شارانىڭ ءبىر ەرەكشەلىگى ءۇش جاقتان ياعني  «داريا» مەكەمەسىنەن  جانە ارداگەرلەر ۇيىنەن  سونداي اق تەمىر جول ۆوكزالىنان جاس مارافوىنشىلار  «سالاماتتى قازاقستان» تۋىن ۇستاپ ورتالىق كوشلەرمەن جۇگىرىپ كەلىپ  «قازاقستان 2050» قيىلىسىندا ءتۇيىسىپ، رەسپۋبليكاعا تانىمال جاس سپورتشىلار، قازاقستان چەمپيوندارى  ەربولەك قۇدايبەرگەنوۆ، قايلىبايەۆ ازامات، قونىسوۆ قۋاندىققا تابىستادى. تۋى ۇستاعان جاستار ودان ءارى ورتالىق الاڭعا قاراي بەت الىپ مارافوندى جالعاستىردى. اتالمىش مارافونعا 150 سپورتشى جاستار،  مەديسينانىڭ جاس ماماندارى مەن ۇستازدار قاۋىمى بەلسەندىلىك تانىتتى. ورتالىق الاڭدا ولاردى سپورتتىق كيىم كيگەن «نۇر وتان» پارتياسى اۋداندىق فيليالى، اۋدان اكىمدىگى، اۋداندىق جاستار دەنساۋلىق ورتالىعى مەن سالاۋاتتى ءومىر سالتىن قالىپتاستىرۋ پروبلەمالارى اۋداندىق فيليالى،  جاستار ساياساتى ورتالىعى  سپورت جانە دەنە شىنىقىتىرۋ ءبولىمى سەكىلدى مەكەمەلەردىڭ قىزمەتكەرلەرى جوعارى كوڭىل كۇيمەن قارسى الدى.  دەنساۋلىق فەستيۆالىنە قاتىسۋشىلار الاڭعا كوپ جينالدى. جالپى سانى مىڭعا سپورتتى جانىننا سەرىك ەتكەن سپورتشى قاۋىم ورتالىق الاڭدا ساپ تۇزەدى.

قازاقستان رەسپۋبليكاسىنىڭ گيمنى ورىندالىپ، “دەنساۋلىق فەستيۆالى-2015” سالتاناتتى جيىندى اۋدان اكىمى ج.ايتۋاروۆ قۇتتىقتاۋ سوزبەن اشتى.

– ەلباسىنىڭ جىل سايىنعى جولداۋلارىندا قالىڭ ەلدىڭ سالاۋاتتى ءومىر سالتىن ۇستانۋى مەن سپورتپەن شۇعىلدانۋىنا ايرىقشا كوڭىل ءبولىنىپ كەلەدى. قوعامنىڭ باستى بايلىعى –ادام بولسا، ادامنىڭ باستى بايلىعى-دەنساۋلىق. بۇگىنگى دەنساۋلىق فەستيۆالى كوپشىلىكتىڭ سالاۋاتتى ءومىر سالتىن ۇستانۋىنا باستايدى،-دەدى اۋدان اكىمى. دەنساۋلىق اكسياسى بارىسىندا وتكەن گيمناستيكالىق بيلەر،  قول كۇرەسى، ارقان تارتۋ، گىر كوتەرۋ، سياقتى سپورتتىق ويىندار ۇيىمداستىرلدى.

ارقان تارتۋ  سايسىندا قىزدار اراسىندا جۇلدەلى 1 ورىندى ب.جۇمالييەۆ اتىنداعى ورتا مەكتەپىڭ ۇستازدارى مەن وقۋشىلارىنان قۇرالعان «بەرەكەت جاستارى» كومانداسى، ال ەكىنشى ورىندى ورتالىق اۋرۋحانانىڭ «ابزال جاندار» كومانداسى، ال ءۇشىنشى ورىندى ا.مەندالى ۇلى اتىنداعى ورتا مەكتەپتىڭ  «الشىن اسۋلارى» كومانداسى مىسە تۇتسا، ەرلەر اراسىندا ارقان تارتۋدان  1 ورىندى ن.جۇبايەۆ اتىنداعى ورتا مەكتەپتىڭ «نۇن شامشىراقتارى» كومانداسى، 2 ورىندى ا.مەندالى ۇلى اتىنداعى ورتا مەكتەپتىڭ «الشىن جىگىتتەرى» كومانداسى، ال 3 ورىندى شەتپە گيمنازياسىنىڭ «گيمنازيا بارىستارى» يەلەندى. ال  گىر تاسىن كوتەرۋدەن ەرلەر اراسىندا جۇلدەلى 1 ورىندى  قاناش سەرىكبولسىن، 2 ورىندى  سيسەنعالييەۆ نۇرسۇلتان، 3  ورىندى اسقار ازيدوللا يەلەنسە، قول كۇرەستەن قىزدار اراسىندا جۇلدەلى ءبىرىنشى ورىندى زويا مىركىبايەۆا، ەكىنشى ورىندى اۋرۋحانا قىزمەتكەرى  ورىنگۋل مۇقانوۆا، ءۇشىنشى ورىندى ايسۇلۋ ابدۋللايەۆا يەلەندى. بارلىق جۇلدەگەرلەرگە وبلىستىق سالاۋاتتى ءومىر سالتىن قلاپتاستىرۋ ورتالىعى، جاستار ساياساتى ورتلاعى جانەسپورت ءبولىمى  اتىنان سىيلىقتار تابىستالدى.

ادام دەنساۋلىعىنا بايلانىستى اكسيانىڭ ءوز دەڭگەيىندە وتۋىنە اۋداندىق ش.بولتەك ۇلى اتىنداعى سپورت كەشەنى مەن مادەنيەت ءۇيىنىڭ كوركەمونەرپازدارىنىڭ قوسقان ۇلەسى زور بولدى.

«بۇگىنگى شاراعا 700 دەن استام جاستار قاتىستى. بۇل كورسەتكىش جاستار دەنساۋلىعىن ارتتىرۋدا ماڭىزدى بولدى. ويتكەنى جىلىنا ءبىر اق رەت بولاتىن سالاۋاتتىلىق شاراسى دەنساۋلىقتىڭ ءقادىرىن ۇعىندىرىپ تۇسىندىرگەندەي بولدى. سپورتتىق ءىس شارادا ارقان تارتۋ، قول كۇرەسى، مارافون، گىر تاسىن كوتەرۋ بايقاۋلارىنا ءوز باسىم بەلسەندى قاتىستىم. بۇگىننەن باستاپ ءوزىم ەندى تاڭەرتەڭ كۇندە  جۇگىرۋدى  ماقسات ەتىپ وتىرمىن. مەن وسىلايشا ەلباسىنىڭ ساياساتىنا سۇبەلى ۇلەسىمدى قوسپاقپىن» دەيدى ش.بولتەك ۇلى اتىنداعى سپورت كەشەنى ديرەكتورىنىڭ وقۋ ءىسى جونىندەگى ورىنباسارى  امانجول مۇحامەدجانوۆ.

ماڭعىستاۋ اۋدانى اكىمىنىڭ اپپاراتى

 «قامشى» سىلتەيدى