اۆتوبۋس جۇرگىزۋشىلەرىنىڭ اراسىندا تۋبەركۋلەزبەن اۋىراتىندارى بولعان

    Darkhan Muqantegi
    اۆتوبۋس جۇرگىزۋشىلەرىنىڭ اراسىندا تۋبەركۋلەزبەن اۋىراتىندارى بولعان

    اقتوبە قالاسىنداعى قوعامدىق كولىك جۇرگىزۋشىلەرىنىڭ اراسىندا تۋبەركۋلەزگە شالدىققاندارى بولعان. بۇل جايىندا وبلىستىق پروكۋراتۋرانىڭ القالى جيىنىندا ايتىلعان. «قامشى» پورتالى نۇر. كز-كە سىلتەمە جاساي وتىرىپ حابارلايدى.

    “جۇرگىزۋشىلەردىڭ كوبى كۇنىنە جوسپاردان قالىپ كەتكەن اقشانى شىعارۋ ءۇشىن 12-15  ساعات جۇمىس ىستەگەن. ءبىز تەكسەرۋ جۇرگىزۋ ءۇشىن كوپتەگەن مامانداردى تارتتىق. مۇنداي جۇكتەمەمەن جۇمىس ىستەۋ جۇيكە جۇيەسىنە كەرى اسەرىن تيگىزىپ، سوڭى قايعىلى وقيعالارمەن اياقتالۋى مۇمكىن. اۆتوبۋس جۇرگىزۋشىلەرىنىڭ اراسىندا تۋبديسپانسەر مەن ناركوديسپانسەردە تىركەۋدە تۇرعاندارى بار ەكەنى انىقتالدى. 52 جۇرگىزۋشىنىڭ جولاۋشىلاردى تاسىمالداۋعا رۇقسات بەرەتىن قۇجاتى بولماعان. رەيد بارىسىندا زاڭسىز تاكسي قىزمەتىمەن اينالىسقان 39 كولىك انىقتالسا، جۇزگە جۋىق اۆتوبۋستىڭ تەحنيكالىق بايقاۋدان وتپەگەنى ءمالىم بولىپ وتىر”، – دەيدى پروكۋرور.

    قاتىستى ماقالالار

    ءبارىمىز قازاقپىز عوي!

    ءبارىمىز قازاقپىز عوي!

    12:57، 06 ناۋرىز 2025