ىشكى اقشا اينالىمىندا 20 جانە 50 مىڭ تەڭگەلىك كۋپيۋرالار پايدا بولمايدى.ۇلتتىق بانكى 20 جانە 50 مىڭ تەڭگەلىك كۋپيۋرالاردى اينالىمعا شىعارۋ ماسەلەسىن قاراستىرعان ەمەس. سوندىقتان تەڭگەنىڭ قۇنسىزدانۋىنا بايلانىستى جاڭا كۋپيۋرالار پايدا بولادى دەگەن قاۋەسەتكە سەنۋدىڭ قاجەتى جوق. بۇل تۋرالى «قامشى» پورتالى نۇر. كز-كە سىلتەمە جاساي وتىرىپ حابارلايدى.قازاقستان رەسپۋبليكاسى ۇلتتىق بانكى جاڭا اقشا بەلگىلەرىن شىعارۋ تۋرالى شەشىمدى قولما-قول اقشا اينالىمىنداعى قاجەتتىلىككە بايلانىستى قابىلدايدى. قازىردە قولدا بار بانكنوتالاردىڭ ناقتى ءتىزىمى قازاقستان رەسپۋبليكاسىنداعى قولما-قول اقشا اينالىمىنىڭ قاجەتتىلىكتەرىن قاناعاتتاندىرۋعا تولىقتاي جەتەدى. وسىعان بايلانىستى، قازىرگى ۋاقىتتا 20 000 جانە 50 000 تەڭگەلىك بانكنوتانى اينالىمعا شىعارۋ جوسپاردا جوق.