مەككەدە قاجىلىق كەزىندە قازاقستاندىق نۇرسۇلتان الپىسبايەۆ قايتىس بولدى. بۇل تۋرالى «قامشى» پورتالى  Tengrinews.kz –كە سىلتەمە جاساي وتىرىپ حابارلايدى.

 ەر ادام جۇرەك تالماسىنان 25 قىركۇيەكتە كوز جۇمعان، الايدا بۇل تۋرالى بۇگىن عانا بەلگىلى بولدى.

الپىسبايەۆتىڭ گۋميليەۆ اتىنداعى ەۋرازيالىق ۇلتتىق ۋنيۆەرسيتەتىنىڭ قىزمەتكەرى ەكەنى انىقتالىپ وتىر. "ءيا، ول مەككەدە قازا تاپتى، ءبىراق ونىڭ قايتىس بولۋ سەبەبى بىزگە بەلگىسىز. الپىسبايەۆ 1951 جىلعى، ءبىزدىڭ وقۋ ورنىمىزدا 1980 جىلدان بەرى قىزمەت ەتكەن. ونىڭ سوڭعى قىزمەتى: الەۋمەتتىك عىلىم فاكۋلتەتىنىڭ دەنەشىنىقتىرۋ كافەدراسىنىڭ اعا وقىتۋشىسى. ءبىز ولاردىڭ تۋىستارىنا كوڭىل ايتامىز"، - دەدى ۋنيۆەرسيتەتتىڭ باسپا ءسوز قىزمەتىندەگىلەر.

بۇعان دەيىن مەككەگە جاقىن جەردەگى اۋرۋحانادا 24- قىركۇيەكتە قازاقستاننىڭ ازاماتشاسى كوز جۇمدى، ول 78 جاستاعى زەينەتكەر بولاتىن.