رەسەي قارۋلى كۇشتەرىنىڭ سيرياعا  اۋەدەن جاساعان شابۋىلدارىنىڭ ناتيجەسىندە 1 تاۋلىكتە  «يسلام مەملەكەتى» سودىرلارىنىڭ 12 نىسانى جويىلعانى تۋرالى الەمدىك ب ا ق جازۋدا.  وسىدان كەيىن سيرياداعى جانجالعا «ان-نۋسرا» راديكالدى ۇيىمى ارالاسىپ، رەسەيلىك ءبىر سولداتتىڭ باسىنا 1 ميلليون لير سىياقى ۇسىنعانىن مالىمدەگەن. بۇل شامامەن 10 اقش دوللارى. رەسەيلىك جۋرناليست يليا ۆارلاموۆ Twitter الەۋمەتتىك جەلىسىندەگى يسلاميستەردىڭ جازباسىن كورسەتكەن.

بۇل تۋرالى «قامشى» پورتالى haqqin.az سايتىنا سىلتەمە جاساي وتىرىپ حابارلايدى.

«جەرگىلىكتى راديكالدى ۇيىم. ءبىراق، «يسلام مەملەكەتى» ەمەس، «ان-نۋسرا» دەپ اتالاتىن ۇيىم ءاربىر ۇستالعان رەسەيلىك جاۋىنگەردىڭ باسىنا 10 مىڭ دوللار تىككەن»،-دەيدى رەسەيلىك جۋرناليست.

ايتا كەتەيىك، 30-قىركۇيەك كۇنى رف پرەزيدەنتى ۆ.پۋتين سيريا اۋماعىنا اسكەر كىرگىزۋ تۋرالى قۇجاتتاردى  جوعارعى پارلامەنتتىڭ تالقىسىنا جىبەرگەن بولاتىن. ءدال سول كۇنى-اق، پارلامەنت قۇجاتتى ماقۇلداعان. فەدەراسيا كەڭەسىندە پرەزيدەنتتىڭ باستاماسىن 162 دەپۋتات قولداپ، رف قارۋلى كۇشتەرى سيريا تەرريتورياسىنا اسكەر كىرگىزگەن.

رف پرەزيدەنتى اكىمشىلىگىنىڭ باسشىسى سەرگەي يۆانوۆتىڭ ايتۋىنشا، سيريا پرەزيدەنتى باشار اساد ارنايى ۆلاديمير پۋتيننەن كومەك سۇراعان.