بەلگيانىڭ لەجە قالاسىندا جەمقورلىققا باردى دەپ ايىپتالعان قازقستاندىق ۆەلوشاباندوزدار الەكساندر ۆينوكۋروۆ پەن كولوبنيەۆتىڭ ءىسى بويىنشا قوسىمشا تەرگەۋ جۇرگىزىلەدى. بۇل تۋرالى «قامشى» پورتالى astanaproteam.kz-كە سىلتەمە جاساي وتىرىپ حابارلايدى.
«بەلگيا پروكۋراتۋراسى سىبايلاس جەمقورلىققا باردى دەپ ايىپتالعان الەكساندر ۆينوكۋروۆ پەن الەكساندر كولوبنيەۆكە قاتىستى ءىستى سوتقا تاپسىرعىسى كەلگەن ەدى. الايدا لەج قالاسى كەڭەسى تەرگەۋدىڭ اياقتالعاندىعى جانە ءىستى تۇزەتۋ سوتىنا تاپسىرۋعا قاجەتتى نەگىزدىڭ بار-جوقتىعىنا قاتىستى شەشىم شىعارۋى ءتيىس بولاتىن. قوس شاباندوزدىڭ قورعاۋشىلارى قوسىمشا تەرگەۋ جۇرگىزۋ تۋرالى قولداۋحاتپەن جۇگىنگەندىكتەن شەشىم قابىلدانعان جوق»، – دەپ جازادى astanaproteam.kz.
ناتيجەسىندە ماسەلەنى قاراۋ جانە وعان قاتىستى شەشىم شىعارۋ تەرگەۋ اياقتالعانعا دەيىن كەيىنگە قالدىرىلدى.
ال ۆينوكۋروۆتىڭ قورعاۋشىسى جان-لۋي لودومەز الەكساندردىڭ تاراپىنان جاسالعان ەسكەرتۋلەرگە تاڭ قالعاندىعىن جاسارماعان.
پىكىر قالدىرۋ