4ء-شى تاپسىرما

ق ر ەڭبەك جانە حالىقتى الەۋمەتتىك قور­عاۋ مينيسترلىگى 2013 جىلدىڭ 1 شىلدەسىنە دەيىن:

- ءوزىن ءوزى ەڭبەكپەن قامتىعاندار تو­بىن­داعى ەڭبەككە قابىلەتتى حالىقتى ناقتى جاع­دايلاردى جانە جۇمىسپەن قامتۋ سالاسىنىڭ پەرسپەكتيۆاسىن ەسكەرە وتىرىپ، جۇمىسپەن قامتۋعا قاراي ويىستىرۋدىڭادىستەمەسىن ازىرلەسىن؛

- ءوزىن ءوزى ەڭبەكپەن قامتىعان حالىقتى اي­قىنداۋ جونىندەگى جاڭا ادىستەمەنى ەسكەرە وتى­رىپ، جۇمىسسىزدىق دەڭگەيىن ايقىنداۋدىڭ ادىستەمەسىن جەتىلدىرسىن.

الەۋمەتتىك-ەڭبەكتىك قاتىناستاردىڭ بارلىق سۋبەكتىلەرىنىڭ قۇقىقتىق ساۋاتتىلىعىن ارتتىرۋ - جۇمىسپەن قامتۋ سالاسىنداعى قاتىناستاردى جەتىلدىرۋ جونىندەگى جۇمىستىڭ ماڭىزدى بولىگى.

مەن مىنانى اتاپ كورسەتكىم كەلەدى: ەڭبەك ادامى قۇقىقتىق ماسەلەلەردەن تىسقارى قالۋى ءتيىس ەمەس.

جۇمىسقا ورنالاسا وتىرىپ، ولاردىڭ بارلىعى وزدەرى قول قوياتىن ءاربىر قاعازعا ءمان بەرىپ، ولار­دىڭ ماڭىزىن تۇسىنۋلەرى كەرەك.

2007 جىلى قابىلدانعان قازاقستان رەسپۋب­لي­كاسىنىڭ ەڭبەك كودەكسى جۇمىسپەن قامتۋدىڭ بارلىق سالالارىن قۇقىقتىق قامتاماسىز ەتۋ جو­لىنداعى ماڭىزدى قادام بولدى. الايدا كوپتەگەن ساراپشىلار كودەكستىڭ قىزمەتكەرلەردىڭ بارلىعى بىردەي تۇسىنۋلەرى ءۇشىن كۇردەلى ەكەندىگىن اتاپ كورسەتۋدە.

بۇل پروبلەمانى شەشۋ ءۇشىن، بىرىنشىدەن، جالدامالى جۇمىسشىلاردى قۇقىقتىق وقىتۋلاردى ۇيىمداستىرۋ قاجەت. بالكىم، مۇنى جۇمىس بەرۋشىلەر ەسەبىنەن جۇرگىزۋگە بولار. ەكىنشىدەن، كەڭ كولەمدەگى ۇگىت-تۇسىنىك جۇمىستارىن جۇرگىزۋ، ەڭبەك زاڭدارىنىڭ نەگىزدەرىن تۇسىنىكتى تۇردە باياندايتىن ءتۇسىندىرۋ ماتەريالدارىن جاريالاۋ كەرەك. 

5ء-شى تاپسىرما

ق ر ەڭبەك جانە حالىقتى الەۋمەتتىك قورعاۋ مينيسترلىگى:

- 2013 جىلدان باستاپ قىزمەتكەرلەردى قازاقستان رەسپۋبليكاسىنىڭ ەڭبەك زاڭدارى­نىڭ نەگىزدەرىنە وقىتۋ جۇيەسىن ۇيىمداستىرۋ تۋرالى ماسەلەنى 2012 جىلدىڭ 1 جەلتوقسا­نىنا دەيىن ازىرلەسىن؛

- ەڭبەك كودەكسىنىڭ نەگىزگى ەرەجەلەرى جانە ەڭبەك قاتىناستارىن رەتتەيتىن باسقا دا قۇ­قىق­تىق اكتىلەر جونىندەگى جالپىۇلتتىق انىق­تامالىقتاردىڭ ءبىرىڭعاي سەريالارىن شى­عا­رۋ مەن تاراتۋدىڭ، سونىڭ ىشىندە ينتەرنەت پەن مەملەكەتتىك ورگانداردىڭ رەسمي سايت­تارى­نىڭ مۇمكىندىكتەرىن پايدالانۋدىڭ جوباسىن ازىرلەسىن

b) كاسىپتىك بىلىكتىلىكتىڭ ۇلتتىق جۇيەسى.

 ءاربىر ادام، سونىڭ ىشىندە، اسىرەسە، جاستار بەلگىلى ءبىر كاسىپتىك سالادان ءوز بولاشاعىن كورگىسى كەلەتىندىگىن مويىنداۋ قاجەت. بۇل - وتە قالىپتى جاعداي. ويتكەنى، ادام ءوزىنىڭ قايدا بەت العان­دىعىن انىق كورگەن كەزدە عانا بيىككە قاراي كۇش-جىگەرمەن ۇمتىلادى.

سوندىقتان بىلىكتىلىكتىڭ ۇلتتىق جۇيەسىن (بۇج) قۇرۋ جونىندەگى بارلىق جۇمىستارعا بارىنشا ەكپىن بەرىلۋى قاجەت. ولار تەك نورماتيۆتىك ماڭىزعا يە بولىپ قانا قويماي، سونىمەن قاتار، ءاربىر كاسىپ ءۇشىن «جول كارتاسى» دا بولۋى قاجەت.

بۇج ءاربىر ماماندىق بويىنشا كاسىپقويلىق ءليفتىنى «قۇرۋدىڭ» مۇمكىندىگىن بەرەدى. ونىڭ ۇستىنە بىلىكتى جۇمىسشىلار ۇلتتىق جۇيەگە ەنگىزىلۋى ءتيىس.

بۇج-دى قۇرۋ ءۇشىن نورماتيۆتىك بازانىڭ نەگىزدەرى ەڭبەك كودەكسىنە 2010 جىلى ەنگىزىلگەن قوسىمشالاردا قالىپتاستىرىلعان. الايدا بۇل ۇدەرىستى جەدەلدەتۋ كەرەك.

قالىپتاستىرىلاتىن بىلىكتىلىكتىڭ ۇلتتىق ءجۇ­يەسىنىڭ ەڭ باستى ماسەلەسى مىنادا: بۇج اياسىندا ازىرلەنگەن كاسىپقويلىق ۇلگى-قالىپتارى وقۋ ورىندارىندا ماماندار دايارلاۋ كەزىندە قابىلداناتىن ءبىلىم ۇلگى-قالىپتارى ءۇشىن باعدار بولۋى ءتيىس. كاسىپقويلىق جانە ءبىلىم بەرۋ ۇلگى-قالىپتارىنىڭ اراسىندا الشاقتىق بولماۋى كەرەك.

ەڭبەك رەسۋرستارىنىڭ جالپى رىنوگىن قۇرۋدى كوزدەيتىن ءبىرىڭعاي ەكونوميكالىق كەڭىستىك جاع­دايىندا ءۇش ەلدە بىلىكتىلىكتىڭ ۇلتتىق جۇيەسىن قۇرۋ جۇمىستارىن ۇيلەستىرۋ قىزمەتىنىڭ ماڭىزى زور.