شىمكەنت قالاسى اكىمىنىڭ ورىنباسارى ماۋلەن ايمانبەتوۆتىڭ قاتىسۋىمەن قالادا ەلەكتر قۋاتىنىڭ ءجيى ءسونۋى جاعدايىنا بايلانىستى باسپا ءسوز بريفينگى ءوتتى. جيىنعا قالالىق ەنەرگەتيكا جانە ينفراقۇرىلىمدى دامىتۋ باسقارماسىنىڭ باسشىسى ب.بۋلاتبەكوۆ، «وڭتۇستىكجارىقترانزيت» ج ش س باس ديرەكتورى م.يبراگيموۆ، «كەGOC» اق-نىڭ باس ينجەنەرىنىڭ ورىنباسارى س.ويسوۆ قاتىستى.

قالا اكىمىنىڭ ورىنباسارى شاھاردا ەلەكتر قۋاتى بويىنشا ورىن الىپ جاتقان شەكتەۋلەردىڭ نەگىزگى سەبەپتەرى مەن ءتيىستى جۇمىستاردىڭ بارىسىنا توقتالىپ ءوتتى. شىمكەنت قالاسىندا جىلىتۋ ماۋسىمىندا ەلەكتر ەنەرگياسىن تۇتىنۋ كولەمى جوعارى شەككە (375 مۆت) جەتكەن. جاز ايلارىندا بۇل كورسەتكىش 313-315 مۆت بولعان ەدى.

– بۇگىنگى تاڭدا ەكىباستۇز ەلەكتر ستانسياسىندا جوندەۋ جۇمىستارى جۇرگىزىلۋىنە بايلانىستى 221 مۆت ورنىنا 120، شاردارا گەس-تە سۋ دەڭگەيىنىڭ تومەندەۋىنەن 50 مۆت ورنىنا 8 مۆت ەلەكتر ەنەرگياسى الىنۋدا. جالپى 60-70 مۆت تاپشىلىق پايدا بولدى. وسى سەبەپتەرمەن قالا اۋماعىندا نەگىزىنەن، كەشكى ۋاقىتتاردا 5-20 مۆت ۋاقىتشا شەكتەۋلەر ورىن الدى. اتالعان ماسەلەنى شەشۋ ماقساتىندا «وڭتۇستىك جارىقترانزيت» ءجشس-ى، جامبىل گرەس-پەن قوسىمشا 70 مۆت ەلەكتر ەنەرگياسىن الۋعا كەلىسىمشارت ءتۇزىلدى. بۇل ءوز كەزەگىندە قالانىڭ ەلەكتر ەنەرگياسىن تۇتىنۋ قاجەتتىلىگىن تولىعىمەن جاباتىن بولادى، – دەدى قالا اكىمىنىڭ ورىنباسارى.

ق ر ەنەرگەتيكا ءمينيسترى ماعۇم مىرزاعالييەۆتىڭ ءتوراعالىق ەتۋىمەن وڭىردەگى ەلەكتر قۋاتىن تاراتاتىن مەكەمە باسشىلارىمەن جيىن ءوتىپ، ءتيىستى شەشىم قابىلداندى. وعان سايكەس، كوپقاباتتى، جەكە تۇرعىن ۇيلەرگە، الەۋمەتتىك نىسانداردا ەلەتكر قۋاتىن وشىرمەۋگە كەلىسىم جاسالدى. 11 قاراشادان باستاپ اتالعان نىسانداردا ەلەكتر قۋاتى شەكتەلمەيدى. تەك اپاتتى جاعدايلار بولعان كەزدە عانا ءسونۋى مۇمكىن.

قالا اكىمىنىڭ ورىنباسارى م.ايمانبەتوۆ اكىمشىلىكتىڭ كەلىسىمىمەن قاجەت كەزدە عانا زاڭدى تۇلعالار مەن وندىرىستىك مەكەمەلەردى عانا ءسوندىرىلۋى مۇمكىن ەكەنىن اتاپ ءوتتى.

شىمكەنت قالاسىندا جالپى ەلەكتر ەنەرگياسىن تۇتىنۋ وتكەن جىلمەن سالىستىرعاندا 12 پايىزعا ارتقان. بۇگىندە ەلەكتر توگىنىڭ قوسىلۋ كوزى بولىپ تابىلاتىن «1-م-1» قوسالقى ستانسياسىنىڭ قۇرىلىسى اياقتالىپ، ىسكە قوسۋعا دايىندىق جۇمىسى جۇرگىزىلۋدە.

م. ايمانبەتوۆ رۇقساتسىز ەلەكتر قۋاتىن پايدالانۋشىلار بويىنشا ءتيىستى شارالار قابىلداناتىنىن مالىمدەدى.