قوعامدىق كەڭەس – كونسۋلتاتيۆتىك ورگان. ونىڭ نەگىزگى ماقساتى -  شىعارماشىلىق زيالى قاۋىم وكىلدەرىنىڭ  يدەيالارى مەن كۇش-قۋاتىن مادەنيەت پەن ونەر، كينەماتوگرافيا جانە تاريحي-مادەني مۇرانى ساقتاۋ سالاسىنداعى  مەملەكەتتىك  ساياساتتى  جۇزەگە  اسىرۋعا باعىتتاۋ.

قوعامدىق كەڭەس ءتوراعاسى: قاراعاندى وبلىستىق ءماسليحاتىنىڭ حاتشىسى، زاڭ عىلىمدارىنىڭ دوكتورى، پروفەسسور، ق ر عىلىم اكادەمياسىنىڭ كوررەسپوندەنت-مۇشەسى دۋلاتبەكوۆ نۇرلان ورىنباسار ۇلى.

قوعامدىق كەڭەستىڭ  مۇشەلەرى  وبلىسىمىزدىڭ، ەلىمىزدىڭ  مادەنيەتى مەن ونەرىن دامىتۋعا سۇبەلى ۇلەس قوسقان، سونىمەن قاتار، مادەنيەت سالاسىندا  قوعامدىق قىزمەتكە  بەلسەنە اتسالىسىپ جۇرگەن ازاماتتار قاتارىنان قۇرىلىپ وتىر.

كۇن تارتىبىندە تومەندەگى سۇراقتار قاراستىرىلدى:           

1.قازاق حاندىعىنىڭ 550 جىلدىعىن اتاپ وتۋگە ارنالعان ءىس-شارالار؛

2.وبلىستاعى تاريحي-مادەني مۇرا ەسكەرتكىشتەرىنىڭ قازىرگى جاي-كۇيى.

وبلىستىق مادەنيەت، مۇراعات جانە قۇجاتتاندىرۋ باسقارماسىنىڭ باسشىسى اعىمبايەۆ ە.م. ايتۋىنشا قازاق حاندىعىنىڭ 550 جىلدىعى ايتۋلى مەرەكەلەردىڭ اياسىندا وبلىستا ءبىرقاتار ءىس-شارالار ۇيىمداستىرىلۋدا. ماسەلەن، «سارىارقا كىتاپحاناسى» سەرياسىمەن شىققان 100 تومدىقتىڭ تۇساۋكەسەرى ءوتتى. وبلىستىڭ ايماقتارىندا شىعارماشىلىق كەشتەر، كونسەرتتەر، ايتىستار، ءىرى فەستيۆالدەر، كورمەلەر جانە تەاتر قويىلىمدار وتكىزىلۋدە.

وبلىستاعى تاريحي-مادەني مۇرا ەسكەرتكىشتەرىنىڭ قازىرگى جاي-كۇيى بويىنشا اعىمبايەۆ ە.م. قاراعاندى وبلىسى تەرريتورياسىندا 2700 – دەن اسا  ەسكەرتكىش تىركەلگەنىن اتاپ ءوتتى. جوسپارعا سايكەس 13 تاريحي ەسكەرتكىشكە رەستاۆراسيا جۇمىستارى جۇرگىزىلگەن (ولار – مەدەتباي، ماتاق باتىر، اقپان، شوڭ، مىنەي قاجى، قۇلمۇحامەت ارىستانباي ۇلى، شاعىر، زىليحا، شورا كەسەنەلەرى، بيمەندى ەردەن ۇلىنىڭ مەشىت ءۇيى، اتاسۋ قولا جانە ەرتە تەمىر ءداۋىرى ەسكەرتكىشتەرى، بەسوبا جانە بەلاسار ارحەولوگيالىق كەشەندەرى). 2016 ج. 11 ەسكەرتكىشتە  قالپىنا كەلتىرۋ-رەستاۆراسيالىق جۇمىستارى قاراستىرىلعان.

وتىرىس بارىسىندا    قاتىسۋشىلار   ەلىمىزدە ءبىرىنشى رەت قازاق حاندىعىنىڭ 550 جىلدىعىن اتاپ ءوتۋ ەڭ الدىمەن، ءبىزدىڭ مەملەكەتتىك تۇتاستىعىمىزدى، تاۋەلسىزدىگىمىزدى، ماڭگىلىك ەلگە بارا جاتقان سارا جولىمىزدى  ايعاقتايتىن،  سونداي-اق، الەمنىڭ  الدىندا قازاق ەلىنىڭ  تامىرى، تاريحى، تەگى،  مەملەكەتتىك قالىپتاسۋ جولى، ۇلگىسى بار دەپ باعالاتاتىن ايتۋلى شارا ەكەدىگىن ەرەكشە اتاپ كورسەتتى.