ەكسپو-2017 كوميسسارى، ق ر سىرتقى ىستەر ءمينيسترىنىڭ ءبىرىنشى ورىنباسارى ءراپىل جوشىبايەۆ اقش-تىڭ جاڭا تەحنولوگيالاردى جاساۋ جانە ءوندىرۋدىڭ الەمدەگى ەڭ ءىرى ورتالىقتارى ورنالاسقان سان-فرانسيسكو مەن كرەمنيي القابىنا باردى. بۇل تۋرالى "قامشى" پورتالى قازاقپاراتقا سىلتەمە جاساي وتىرىپ حابارلايدى.
ق ر ءسىم-نىڭ باسپا ءسوز قىزمەتىنىڭ حابارلاۋىنشا، ەكسپو-2017 كوميسسارى سان-فرانسيسكو مەرىنىڭ ورىنباسارىمەن، «GoogleEarth»، «StanfordGlobalThermostat»، «ObscuraDigital»، «PlanetLabs» كومپانيالارىنىڭ باسشىلارىمەن، سونداي-اق ستەنفورد ۋنيۆەرسيتەتىنىڭ عىلىمي ورتاسىمەن كەزدەستى.
سان-فرانسيسكو مەرى مارك چاندلەرمەن كەزدەسۋ بارىسىندا ينۆەستيسيالىق ىنتىماقتاستىق پەن امەريكان-قازاقستاندىق كومپانيالار سەرىكتەستىگىنىڭ مۇمكىندىكتەرى تالقىلاندى. م.چاندلەر «اقش-تىڭ ەكسپو-2017 كورمەسىنە قاتىسۋى ەل ۇكىمەتىنىڭ كليماتتىڭ وزگەرۋىنە قارسى كۇرەس جانە «جاسىل» ەنەرگەتيكانىڭ تۇراقتى دامۋىن قامتاماسىز ەتۋ ساياساتىنىڭ قيسىندى جالعاسى بولاتىنىن» اتاپ ءوتتى.
سان-فرانسيسكونىڭ ەنەرگيانى ۇنەمدەۋ تەحنولوگيالارى سالاسىندا مويىندالعان كوشباسشى جانە الەمدە «جاسىل» قالا سەرتيفيكاتىن العان ءبىرىنشى قالا ەكەنىن ەسەپكە الا وتىرا، ول سونداي-اق سان-فرانسيسكونىڭ قازاقستاندىق ەكسپو كورمەسىنە شانحايداعى كورمەدە بولعانداي جەكە پاۆيلونمەن قاتىسۋ مۇمكىندىگىن اتاپ ءوتتى.
كرەمنيي القابىنداعى كەزدەسۋدە ر.جوشىبايەۆ امەريكاندىق كومپانيالاردىڭ ەكسپو-2017 كورمەسىنە قاتىسۋ مۇمكىندىكتەرى تۋرالى بايانداپ بەردى.
«GoogleEarth» باسشىسى كەيت برەنت كومپانيانىڭ الەمدەگى كليماتتىق وزگەرىستەر بويىنشا جوبالارى تۋرالى ايتا وتىرىپ، كورمەنىڭ «بولاشاق ەنەرگياسى» تاقىرىبىنا ۇلكەن قىزىعۋشىلىعى مەن كومپانيانىڭ ەكسپو-2017 كورمەسى ارىپتەستەرىنىڭ ءبىرى بولۋ مۇمكىندىگىن قاراستىرۋعا دايىن ەكەنىن اتاپ ءوتتى. ك.برەنتتىڭ ايتۋىنشا، Google سوڭعى ۋاقىتتا الەمدىك كورمەلەرگە بەلسەندى قاتىسىپ، ەكولوگيالىق جوبالاردى قولداپ كەلەدى. ماسەلەن، تاياۋدا كومپانيا بۇۇ-نىڭ «بارلىعىنا ارنالعان تۇراقتى ەنەرگەتيكا» باستاماسىنىڭ ارىپتەسى اتاندى.
پىكىر قالدىرۋ