جۇزدەسۋ بارىسىندا بىرنەشە سالا بويىنشا ءوزارا ىنتىماقتاسۋ ماسەلەلەرى تالقىلاندى. ولاردىڭ ىشىندە قازاقستاندا ۆاليۋتانى رەتتەۋ، قازاقستان مەن جۇڭگو اراسىندا قولما-قول اقشا اينالىمى، قازاقستاننىڭ ۇلتتىق بانكى مەن جۇڭگو حالىق بانكى اراسىندا اقپارات الماسۋ ماسەلەلەرىن اتاۋعا بولادى.
ودان باسقا، ەكى ەل اراسىندا تولەم جۇيەسى مەن ءوزارا ەسەپ ايىرىسۋدى دامىتۋ جايى قوزعالدى. سونداي-اق، قازاقستان قور بيرجاسىندا يۋان/تەڭگە، باعالى قاعازدار جانە باسقا دا قارجى قۇرالدارىنىڭ ساۋداسى جونىندە تالقىلاندى.
اڭگىمەلەسۋ كەزىندەا جۇڭگو حالىق بانكى شىڭجاڭ فيليالىنىڭ پرەزيدەنتى گو سزيانۆەي مەن جۇڭگو حالىق بانكى مونەتارلىق ساياسات دەپارتامەنتى باس ديرەكتورىنىڭ ورىنباسارى چجوۋ چەنسزيۋن قازاقستاننىڭ ۇلتتىق بانكى مەن جۇڭگو حالىق بانكى ارسىنداعى ىنتىماقتاستىقتى ودان ءارى دامىتۋعا نەگىز بار ەكەندىگىن اتاپ ءوتتى.
«بۇل ىنتىماقتاستىق ەكى ەل ءۇشىن ستراتەگيالىق ماڭىزعا يە. ونىڭ دامۋىنا تاياۋدا قازاقستان پرەزيدەنتىنىڭ جۇڭگو حالىق رەسپۋبليكاسىنا جاساعان مەملەكەتتىك ساپارى وڭ اسەر ەتتى. سول كەزدە قول قويىلعان كەلىسىمدەر قىتايلىق جانە قازاقستاندىق كومپانيالار ءۇشىن وتە ماڭىزدى»، - دەستى قوناقتار.
گو سزيانۆەيدىڭ ايتۋىنشا، ەكى ەل اراسىنداعى تاۋار اينالىمى كولەمىنىڭ ءوسۋى ەسەپ ايىرىسۋ وپەراسيالارىنا ۇلتتىق ۆاليۋتلاردى، ينۆەستيسيانى قولدانۋعا مۇمكىندىك بەرەدى.
«وتكەن جىلى، ءبىز شەكارا ماڭىندا ساۋدا جۇرگىزۋ بويىنشا ەسەپ ايىرىسۋ وپەراسيالارى تۋرالى كەلىسىمگە قول قويدىق. قازاقستان قور بيرجاسىندا يۋان-تەنگە جۇبىنىڭ ساۋداسى اشىلدى. بۇل قازاقستاندىق جانە قىتايلىق كومپانيالاردىڭ ءوزارا ىنتىماقتاسۋىنا جول اشادى. ونىڭ ۇستىنە ءقازىر قازاقستان مەن قىتايدىڭ ينۆەستيسيالىق كومپانيالارىنا دوللار ەمەس، يۋان نەمەسە تەڭگەنى قولدانعان قولايلى. سونداي-اق، ەكى ەلدىڭ ورتالىق بانكتەرى اراسىندا ۆاليۋتالىق سۆوپ بويىنشا ورتاق كەلىسىمگە قول قويىلعان. ياعني، ەگەر ءبىزدىڭ ەلدەرىمىزدە يۋان نەمەسە تەڭگە جەتكىلىكسىز بولسا، وندا ۇلتتىق ۆاليۋتانى قاجەتتى مولشەردە الۋ ءۇشىن ءبىز بىر-بىرىمزگە ءوتىنىم بەرە الامىز»، - دەدى گو سزيانۆەي.
ودان باسقا، كەزدەسۋ بارىسىندا جۇڭگو حالىق بانكىنىڭ وكىلدەرى «استانا» حالىقارالىق قارجى ورتالىعى جوباسىنىڭ ماڭىزدىلىعىن اتاپ ءوتتى.
«ق ر ۇلتتىق بانكىنىڭ بۇل ورتالىقتى دامىتۋعا بارلىق رەسۋرستارى جەتەدى. جانە ەڭ باستىسى، مۇنى قازاقستان پرەزيدەنتى قولداپ وتىر. سوندىقتان بىزە سىزدەرگە تابىستار تىلەيمىز»، - دەدى جۇڭگو حالىق بانكى مونەتارلىق ساياساتى دەپارتامەنتى باس ديرەكتورىنىڭ ورىنباسارى چجوۋ چەنسزيۋن.
تاراپتار الداعى ۋاقىتتا دا وسىنداي كەزەدسۋلەر وتكىزۋدىڭ ماڭىزدى ەكەندىگىن اتاپ ءوتتى.
پىكىر قالدىرۋ