كۇنى كەشە الماتىداعى «ينتەركونتينەنتال» قوناقۇيىندە وتاندىق دزيۋدو كۇرەسىنىڭ ەگەسىن كوگەرتىپ جۇرگەن ءبىر توپ ازاماتقا قۇرمەت كورسەتىلدى. بۇل تۋرالى "قامشى" پورتالى ايقىنعا سىلتەمە جاساي وتىرىپ حابارلايدى.

جۋىردا عانا استانادا دزيۋدودان الەم چەمپيوناتى اياقتالعان بولاتىن. سول جا­رىستا اسا جەڭىل سالماقتا بەلدەسكەن ەل­دوس سمەتوۆ باس جۇلدەنى قانجىعاسىنا بايلا­سا، رۋستام ىبىرايەۆ كۇمىس مەدالدى موينىنا ءىلدى. جالپى، كوماندالىق ەسەپتە قازاقستان قۇراماسى 120 مەملەكەت وكىل­دەرى اراسىنان ءتورتىنشى ورىندى يەلەندى. الدى­مىزدا تەك جاپونيا، فرانسيا جانە ءوڭتۇس­تىك كورەيا­نىڭ بالۋاندارى. بۇل قازاقستان دزيۋدوسى تاريحىنداعى تەڭ­دەسسىز وقيعا ەكەنى داۋسىز. 
الماتىداعى جيىن بارىسىندا العاش­قى بولىپ ءسوز العان رەسپۋبليكالىق دزيۋدو فەدەراسياسىنىڭ پرەزيدەنتى كەڭەس راقىشيەۆ استاناداعى جارىستىڭ ءمانى مەن ماڭىزىنا توقتالىپ، وسى جارىستا جا­سىنداي جارقىراعان قوس قانداسىمىزعا، ولاردىڭ جاتتىقتىرۋشىلارى جانە الەم چەمپيوناتىنىڭ ويداعىداي ءوتۋى ءۇشىن تەر توككەن وسى سالانىڭ باسى-قاسىندا ءجۇر­گەن ازاماتتارعا زور العىسىن ءبىلدىرىپ، ولاردى اقشالاي سىيلىقتارمەن مارا­پاتتادى. سونداي-اق وسىدان ءبىراز ۋاقىت بۇرىن سارايەۆودا وتكەن جاسوسپىرىمدەردىڭ الەم بىرىنشىلىگىندە قارسىلاس شىداتپاي، التىن جۇلدە العان دارىندى بالۋان ايبو­لات ىستىبايعا ەرەكشە قۇرمەت كورسەتىلدى.