15 قىركۇيەكتە ۆەنا قالاسىندا اتوم ەنەرگياسى جونىندەگى حالىقارالىق اگەنتتىگى (اەحا) باس كونفەرەنسياسىنىڭ 59-شى سەسسياسى باستالدى.بۇل تۋرالى "قامشى" پورتالى ق ر ءسىم باسپا ءسوز قىزمەتىنەن حابارلايدى.
164 مۇشە مەملەكەت دەلەگاسيالارى اەحا جىل سايىنعى فيزيكالىق يادرولىق قاۋىپسىزدىك باياندامالارىن، سونداي-اق اگەنتتىكتىڭ ەسەبىن، باعدارلاماسىن جانە بيۋدجەتىن قاراستىرادى. باس كونفەرەنسيانىڭ شەڭبەرىندە قاتىسۋشىلار يادرولىق ەنەرگەتيكانىڭ كەلەشەك دامۋى، يادرولىق جانە رادياسيالىق قاۋىپسىزدىك سالالارىنداعى حالىقارالىق ىنتىماقتاستىقتىڭ كۇشەيۋى، يادرولىق ەنەرگيانى، يادرولىق تەحنولوگيانى بەيبىت ماقساتتا پايدالانۋ جانە قولدانۋ، تەحنيكالىق ىنتىماقتاستىعىن، كەپىلدىكتەردىڭ تيىمدىلىگىن جانە اسەرىن نىعايتۋ ماسەلەلەرىنە ەرەكشە نازار اۋدارادى.
باس كونفەرەنسيانىڭ جۇمىسىندا قازاقستاننىڭ ەنەرگەتيكا ءمينيسترى ۆلاديمير شكولنيك باستاعان دەلەگاسيا قاتىسۋدا. قازاقستان دەلەگاسياسىنىڭ قۇرامىنا ق ر ءسىم، «قازاتومونەركاسىپ» ۇاك» اق، ۇلتتىق يادرولىق ورتالىعىنىڭ وكىلدەرى جانە ت.ب. كىردى.
قازاقستان دەلەگاسياسىنىڭ باسشىسى گەنكونفەرەنسيانىڭ اشىلۋىندا جاسالعان بايانداماسىندا ەلىمىزدىڭ يادرولىق قارۋسىزدانۋ سالاسىنداعى جەتىستىكتەرىمىز ايتىلدى، ق ر مەن اەحا اراسىنداعى يادرولىق ەنەرگيانى بەيبىت ماقساتتا پايدالانۋ سالاسىندا ءساتتى ىنتىماقتاستىعىن اتاپ ءوتتى. قاتىسۋشىلار ۇلتتىق يادرولىق ەنەرگەتيكا باعدارلامالارىن جانە اتوم سالاسىن دامىتۋ بويىنشا جوسپارلارىمەن تانىستىرىلدى. اەحا مۇشە مەملەكەتتەرى قازاقستان پرەزيدەنتى نۇرسۇلتان نازاربايەۆتىڭ يادرولىق قارۋدى تاراتپاۋ باستامالارىنا، سونىڭ ىشىندە اتوم جوباسىنا نازار اۋداردى.
ۆ. شكولنيك اەحا باس ديرەكتورى يۋكيا امانومەن، يران، اقش، جاپونيا، فرانسيا، رەسەي، ءۇندىستان ەلدەردىڭ دەلەگاسيا باسشىلارىمەن كەزدەستى. كەزدەسۋ بارىسىندا وزەكتى ىنتىماقتاستىق ماسەلەلەرى جانە «ەكسپو-2017» حالىقارالىق مامانداندىرىلعان كورمەسىن وتكىزۋ ماسەلەسى تالقىلاندى.
باس كونفەرەنسيانىڭ وتكىزىلۋ كەزەڭىندە بۇۇ ۆەناداعى بولىمشەسىندە «قازاتومپروم» ۇاك» اق كورمەسى جايىلدى.
اەحا باس كونفەرەنسياسىنىڭ جۇمىسى 18 قىركۇيەككە دەيىن جالعاسادى.
اتوم ەنەرگياسى جونىندەگى حالىقارالىق اگەنتتىگى 1957 جىلى قۇرىلدى. 1994 جىلى 14 اقپاندا قازاقستان رەسپۋبليكاسى 121 اەحا مۇشە مەملەكەتى بولىپ قوسىلدى.
پىكىر قالدىرۋ