اتىراۋ مۇناي وڭدەۋشىلەرى تەڭگەنى ەركىن اينالىمعا جىبەرگەننەن كەيىن ءوز ونىمدەرىن ەكسپورتقا وتكىزۋ كولەمىن ۇلعايتپاق. بۇل تۋرالى "قامشى" پورتالى قازاقپاراتاقا سىلتەمە جاساي لتىرىپ حابارلايدى.

«ءبىزدىڭ كاسىپورىن رەسەيدىڭ تۇراقتى تۇتىنۋشىلارمەن عانا ەمەس، فرانسيا، بالتىق ماڭىنداعى ءۇش ەلمەن، ۋكراينا، گرۋزيا، ازەربايجان، وزبەكستانداعى ارىپتەستەرمەن شارتتار جاساستى. وسىنىڭ بارلىعى تارگەتتەۋدەن كەيىن مۇمكىن بولدى. وتكەن جىلى ءبىز ەكسپورتقا 2 مىڭ توننا كەپتىرىلگەن نەمەسە قاتىرىلعان سازان، اقتابان، تورتا بالىق، شورتان، جايىن، كوكسەركە ەتىن شىعارساق، بيىل ساتۋ كولەمى ازايدى. قۇنسىزدانعان رۋبلگە ءونىم ساتۋ ءتيىمسىز بولدى. تەڭگە باعامىن تۇزەتۋ كاسىپورىنعا ساتۋ كولەمىن قايتا ۇلعايتۋعا، كەلەشەككە جوسپار قۇرۋعا مۇمكىندىك بەردى»، - دەدى امانگەلدى اتىنداعى وندىرىستىك كووپەراتيۆتىڭ باس تەحنولوگى جاننا عايسينا.

تەڭگە باعامىنىڭ وزگەرۋىنەن الىنعان قوسىمشا قاراجاتقا كاسىپورىن بالىق كەپتىرەتىن جاڭا سەح سالۋدى جوسپارلاۋدا. ول بالىق كەپتىرۋدى جىلى كۇندەرى عانا ەمەس، جىل بويى جۇزەگە اسىرۋعا مۇمكىندىك بەرەدى. بۇل كولەمگە دە، كاسىپورىننىڭ باسەكەگە قابىلەتتىلىگىنە دە وڭ ىقپال ەتەدى. كاسىپورىن جوسپارىندا كونسەرۆى سەحىن سالۋ بار.

كاسىپورىنعا قاراجات تەك سەحتاردىڭ وندىرىستىك بازاسىن دامىتۋعا عانا قاجەت ەمەس. جاڭا كەمە، بۋكسير ساتىپ الۋ جوسپاردا بار. بۇل بالىق اۋلاۋدى كەڭەيتۋ ءۇشىن قاجەت.

كۇزدە 1 قىركۇيەكتە جۇمىسىن باستاعان 12 كەمەسى بار وندىرىستىك كووپەراتيۆ 3 مىڭ توننا بالىق دايىنداۋدى جوسپارلاۋدا. ماۋسىمدا جۇمىسقا بارلىعى 700 ادام جۇمىلدىرىلعان، ولاردىڭ 200ء-ى تۇراقتى جۇمىس ىستەيتىن قىزمەتكەرلەر.