الماتىدا وڭتۇستىك قازاقستان وبلىسى جانە الماتى قالاسى اكىمدىگىنىڭ ۇيىمداستىرۋىمەن ءوڭىرارالىق ىنتىماقتاستىقتى دامىتۋ بيزنەس فورۋمى ءوتتى. بۇل تۋرالى "قامشى" پورتالى ايقىنعا سىلتەمە جاساي وتىرىپ حابارلايدى.
بيزنەس-فورۋم شەڭبەرىندە جۋرناليستەرمەن كەزدەسكەن وڭتۇستىك قازاقستان وبلىسى اكىمىنىڭ ورىنباسارى ساپاربەك تۇياقبايەۆ الماتىلىقتارمەن ءارقاشاندا بىرلەسىپ جۇمىس ىستەۋگە دايىن ەكەنىن، الداعى ۋاقىتتا ول ەكى باعىتتا جالعاسا بەرەتىنىن ايتتى. ءبىرىنشىسى – وڭتۇستىك قازاقستان وبلىسىنىڭ لوگيستيكالىق ورتالىعىن اشۋ ارقىلى ءوڭتۇستىكتىڭ كوكونىسىن الماتىعا قولجەتىمدى باعادا جەتكىزىپ، كوكونىس يمپورتىنا تاۋەلدىلىكتىڭ ىقپالىن السىرەتۋ. سەبەبى، وڭتۇستىكتە باقشا داقىلدارىن وسىرۋگە ماماندانعان شارۋاشىلىقتار جىل وتكەن سايىن ارتىپ كەلەدى. ەگەر بۇل جۇيە ىسكە اسسا، وسى باعىتتا سەگىز ورتالىق اشىلادى. ەكىنشىسى – الماتىلىق ينۆەستورلاردىڭ نازارىن وڭتۇستىكءتىڭ الەۋەتىنە اۋدارۋ. ءقازىر وڭتۇستىكتە يندۋستريالدى ايماقتاردى ورنالاستىرۋعا ءبولiنگەن جەر تەلiمدەرiنiڭ جالپى كولەمi 813،5 گەكتارعا جەتىپتى. وندا جاقىن بولاشاقتا جالپى قۇنى 60 ملرد. 969 ملن تەڭگەنi قۇرايتىن 40 ينۆەستيسيالىق جوبا iسكە اسىرىلادى.
جالپى، وڭتۇستىك قازاقستاندا 19 يندۋستريالىق ايماق قۇرىلۋدا. بۇگىندە ونىڭ تورتەۋى شىمكەنتتە ىسكە اسسا، جالپى كولەمى 153 گا قۇرايتىن 2 يندۋستريالىق ايماق تۇركىستان قالاسى مەن سوزاق اۋدانىندا پايدالانۋعا بەرىلىپ وتىر. جىل سوڭىنا دەيىن «وڭتۇستىك» يندۋستريالىق ايماعىن قوسقاندا بۇل كورسەتكىش 12-گە ارتسا، 2016-2017 جىلدارى اۋدان، قالالاردا 7 يندۋستريالىق ايماقتىڭ قۇرىلىسى اياقتالماق. ولاردىڭ قاتارىندا ارىس قالاسى، سايرام، سارىاعاش، وتىرار، تولەبي، ورداباسى اۋداندارىنداعى يندۋستريالىق ايماقتار مەن شىمكەنت قالاسى ماڭىنداعى اگرو-يندۋستريالىق ايماعى بار. وسىلايشا، وڭىردە ونەركاسىپتىك ءوندىرىس پەن بيزنەس ءۇشىن 975 گەكتار اۋماقتا دايىن ونەركاسىپتىك الاڭدار قالىپتاسپاق.
– قازiرگi تاڭدا ينفراقۇرىلىم قۇرىلىسىنىڭ ءتورت كەزەڭi تولىعىمەن اياقتالدى. يندۋستريالدىق اۋماقتىڭ بىرنەشە ارتىقشىلىعى بار. بىرىنشىدەن، «وڭتۇستىك» يندۋستريالدىق اۋماق ديرەكسياسى كاسىپكەرلەرگە «ءبىر تەرەزە» ۇستانىمى بويىنشا قىزمەت كورسەتەدى. ەكىنشىدەن، اۋماق كاسىپورىندارى كوممۋنيكاسيالىق ينفراقۇرىلىممەن تەگىن قامتاماسىز ەتىلەدى. ۇشىنشىدەن، يندۋستريالاندىرۋ كارتاسىنا كىرگەن ينۆەستيسيالىق جوبالارعا جەر تەلىمدەرى جەكە- مەنشىككە كونكۋرسسىز بەرىلەدى. تورتىنشىدەن، ەلەكتر قۋاتى 25 پايىز ارزان. بەسىنشىدەن، قايتا قۇرىلىپ جاتقان كاسىپورىندارعا قاجەتتى مامان دايىنداۋ ءۇشىن قايتا دايارلاۋ ورتالىقتارى جۇمىس جۇرگىزۋدە. التىنشىدان، ىڭعايلى لوگيستيكالىق جۇيە قۇراستىرىلعان. ماگيسترالعا جاقىن تەمىرجولمەن قامتاماسىز ەتىلگەن. مىنە، وسى ارتىقشىلىقتار ەلىمىزدىڭ عانا ەمەس، شەتەلدىك ينۆەستورلاردى دا قىزىقتىرىپ وتىر. مۇنداعى ىلكىمدى ىستەردى ەلباسى نۇرسۇلتان نازاربايەۆ تا جوعارى باعالاپ، شاعىن كاسىپكەرلىكتى دامىتۋداعى باستامالارعا قولداۋ بىلدىرگەن بولاتىن. شىمكەنتتىڭ ىرگەسىندەگى 92 گەكتار جەرگە سالىنىپ جاتقان ورتالىقتا جالپى سىيىمدىلىعى 230 مىڭ شارشى مەتردەن اساتىن حالىقارالىق ستاندارتتارعا ساي قويمالار سالىنادى. بۇل ءوز كەزەگىندە اۋىلشارۋاشىلىعىمەن اينالىساتىن ديقاندارعا قولايلى بولماق. ويتكەنى شارۋالار ونىمدەرىن قالاۋىنشا ساقتاپ، قاجەت ۋاقىتىندا ساۋداعا شىعارا قويادى. ونىڭ ۇستىنە ورتالىق اۋەجاي مەن ترانزيتتىك تەمىرجول جانە «باتىس ەۋروپا – باتىس جۇڭگو» كولىك دالىزىنە جاقىن ورنالاسقان. جالپى قۇنى 24 ملرد تەڭگەنى قۇرايتىن 8 ينۆەستيسيالىق جوبا جۇزەگە اسىپ جاتقان ايماققا قاجەتتى ينفراقۇرىلىمدى مەملەكەت جۇرگىزىپ بەرگەن. ورتالىق وڭىردەگى قويماعا سۇرانىستىڭ 45%-ىن جابادى. جاڭادان 726 جۇمىس ورنى اشىلماق،– دەيدى وڭتۇستىك قازاقستان وبلىسى اكىمىنىڭ ورىنباسارى ساپاربەك تۇياقبايەۆ.
ايماقتار ءداستۇرلى ساۋداسى دامىعان كونە جادىگەرلەرى كوپ تۇركىستان مەن اق التىننىڭ مەكەنى ماقتاارال، سونداي-اق شيپالى سۋى بار سارىاعاش اۋداندارىندا بوي كوتەرمەك. ول جەرلەردە جەرگىلىكتى ينۆەستورلاردىڭ كۇشىمەن جالپى اۋماعى 80 مىڭ شارشى مەتر بولاتىن قويمالار سالىنادى دەپ جوسپارلانىپ وتىر. قوسىمشا ءتۋريزمدى دامىتۋ جاعى دا قارالعان.
– ينفراقۇرىلىمنىڭ قۇرىلىسىن كەلەسى جىلى باستاۋدى جوسپارلاپ وتىرمىز. بۇعان دا ينۆەستورلار قىزىعۋشىلىق تانىتىپ وتىر. بۇل وسى اۋدانداردىڭ ءارى قاراي ءوندىرىسىنىڭ دە، ەكسپورتتىق الەۋەتىنىڭ دە دامۋىنا ءوز اسەرىن تيگىزبەك، – دەيدى ساپاربەك تۇياقبايەۆ.
