استانا. 15 قىركۇيەك. پارلامەنت سەناتى الەۋمەتتىك-مادەني دامۋ جانە عىلىم كوميتەتىنىڭ كەڭەيتىلگەن وتىرىسىندا «قازاقستان رەسپۋبليكاسىنىڭ ۇكىمەتى مەن دۇنيەجۇزىلىك دەنساۋلىق ساقتاۋ ۇيىمى اراسىنداعى قازاقستان رەسپۋبليكاسىنىڭ الماتى قالاسىندا دۇنيەجۇزىلىك دەنساۋلىق ساقتاۋ ۇيىمىنىڭ مەديسينالىق-سانيتاريالىق العاشقى كومەك جونىندەگى گەوگرافيالىق جاعىنان قاشىق ورنالاسقان ءوفيسىن اشۋ تۋرالى كەلىسىمدى راتيفيكاسيالاۋ تۋرالى» زاڭ جوباسى قارالدى. بۇل تۋرالى "قامشى" پورتالى باك.كز كە سىلتەمە جاساي وتىرىپ حابارلايدى.

ءوفيستىڭ نەگىزگى مىندەتتەرى مەديسينالىق-سانيتاريالىق العاشقى كومەكتى دامىتۋ سالاسىندا دەنساۋلىق ساقتاۋ قىزمەتتەرىن كورسەتۋ جونىندەگى جۇمىستاردى كۇشەيتۋ، دۇنيەجۇزىلىك دەنساۋلىق ساقتاۋ ۇيىمىنىڭ ەۋروپالىق وڭىرلىك بيۋروسىنىڭ دەنساۋلىق ساقتاۋ قىزمەتتەرىن ءادىل، قايىرىمدى، ناتيجەلى جانە ءتيىمدى ۇسىنۋعا قاتىستى وڭىرلىك جانە جاھاندىق دەڭگەيدە قابىلدانعان مىندەتتەرىن ورىنداۋ جونىندەگى قىزمەتىنە جاردەمدەسۋ جانە قولداۋ كورسەتۋ بولىپ تابىلادى. 
سونداي-اق، زاڭ جوباسىندا جوعارى ساپالى فۋنكسيونالدىق جانە يننوۆاسيالىق ءبىلىم بەرۋ، مەديسينالىق قىزمەت كورسەتۋدە ۇيلەستىرۋدى، ينتەگراسيالاۋدى جانە ۇزىلىسسىزدىكتى قامتاماسىز ەتۋ، پاللياتيۆتىك كومەكتى قوسا العاندا، سوزىلمالى جاي-كۇيلەرىن ەسكەرە وتىرىپ، ءومىردىڭ ءارتۇرلى كەزەڭدەرىندە پاسيەنتتەردى جانە اۋرۋ جاعدايلارىن قاداعالاپ وتىرۋ، سونىمەن بىرگە مۇشە مەملەكەتتەر دەنساۋلىق ساقتاۋ قىزمەتتەرىمەن جاپپاي قامتۋدى ۇلعايتۋ جونىندە كۇش سالۋدا ۇشىراساتىن باسقا وزەكتى ماسەلەلەر بويىنشا نورمالار بەكىتىلگەن.
زاڭ جوباسى پالاتانىڭ قاراۋىنا جىبەرىلدى.