ءۇرجار – ەلىمىزدىڭ وڭتۇستىك-شىعىسىندا جاتقان شىعىس قازاقستان وبلىسىنا قارايتىن ىرگەلى اۋدان. بۇگىندە ادام سانى 80 مىڭ بولاتىن اۋداننىڭ تىنىس-تىرشىلىگىن ءبىلۋ ءۇشىن اۋدان اكىمىنىڭ ورىنباسارى سادۋاقاسوۆ سەرىكقازى قۇسايىنۇلىمەن تىلدەسكەن ەدىك. بۇل تۋرالى "امشى پورتالى ايقىنعا سىلتەمە جاساي وتىرىپ حابارلايدى.
– ەلباسى قازاقستاندى دامىعان وتىز ەلدىڭ قاتارىنا قوسۋعا جەتەلەيتىن كەشەندى باعدارلاما ۇسىندى. ول اۋدان كولەمىندە قالاي جۇزەگە اسۋدا؟
– عاسىر جوباسى دەۋگە تۇرارلىق «نۇر وتان» پارتياسىنىڭ حVءى سەزىندە ۇسىنعان ەلباسىنىڭ بەس ينستيتۋتتىق رەفورماسى – زامان تالابىنا باعىتتالعان تىڭ ءارى سەرپىندى قادام دەر ەدىم. اتالعان رەفورمادا ەكونوميكالىق باعدارلامالاردى ساپالى جۇزەگە اسىرۋدى جانە قولجەءتىمدى مەملەكەتتىك قىزمەتتەردى ۇسىنۋدى قامتاماسىز ەتەتىن نەگىزگى 5 باعىت قامتىلدى. قازىرگى تاڭدا ەل الدىنداعى ماڭىزدى مىندەتتەردى ەڭسەرۋدە «100 ناقتى قادام» – ۇلت جوسپارىنىڭ ماڭىزدىلىعى ەرەكشە. باعدارلامانىڭ ءوز دەڭگەيىندە جۇزەگە اسىرىلۋى ەلىءمىزدىڭ جاڭا بەلەسكە كوتەرىلۋىنە تولىق مۇمكىندىك بەرەدى جانە حالىقتىڭ تاڭداۋى مەن قوعامنىڭ بولاشاعىنا دەگەن سەنىمىن نىعايتادى. ءبىز، نۇروتاندىقتار، ەلباسىنىڭ ستراتەگيالىق ويلارىن ىسكە اسىرۋدا ونىڭ سەنىمدى تىرەگى بولىپ تابىلامىز جانە ەكونوميكالىق دامۋدىڭ جوعارى قارقىنىن جانە بارلىق ازاماتتاردىڭ ءال-اۋقاتىنىڭ بۇدان ءارى ءوسۋىن قامتاماسىز ەتۋ ءۇشىن وزىمىزگە جاۋاپكەرشىلىك جۇكتەۋگە دايىنبىز. قازاقستاننىڭ بولاشاعىن، ءبىز، نۇروتاندىقتار، ءاربىر ازامات لايىقتى ءومىر سۇرەتىن ءارى ءوز بالالارىنىڭ بولاشاعى ءۇشىن سەنىمدى بولاتىن، ءار ادام جەكە تابىسقا جەتۋ جانە ءوزىنىڭ بارلىق قابىلەتتەرىن ىسكە اسىرۋ ءۇشىن مۇمكىندىگى بار مىقتى مەملەكەت رەتىندە كورەمىز. ءاربىر قازاقستاندىق ساپالى بىلىممەن، جوعارى دەڭگەيلى مەديسينالىق قىزمەت كورسەتۋمەن، جالاقىسى جوعارى جۇمىسپەن قامتاماسىز ەتىلەتىن بولادى. ءبىز بارلىق ۇلت وكىلدەرى ءبىر-بىرىن سىيلايتىن، ءوزىنىڭ وتانىن ماقتان ەتەتىن، ءومىر ءسۇرۋ ءۇشىن ىڭعايلى ءارى ءقاۋىپسىز ەلدى قۇرۋدامىز.
– اۋدانداعى «نۇر وتان» پارتياسىنىڭ اتقارىپ جاتقان ءىس-شارالارى تۋرالى ءسوز ەتە كەتسەڭىز؟
– بۇگىنگى تاڭدا «نۇر وتان» پارتياسى اۋداندىق فيليالىنىڭ قاتارىندا 4074 مۇشەسى بار. اۋدان بويىنشا 27 باستاۋىش پارتيا ۇيىمدارى قىزمەت ەتەدى. 28 قوعامدىق قابىلداۋ بولمەلەرى، 146 پارتيالىق توپتار جۇمىس ىستەيدى. وسىنىڭ ءبارى پارتيا فيليالىنىڭ اۋدان تۇرعىندارىنا، ەلگە نە قاجەت ەكەنىن بىلەدى دەپ نىق ايتۋعا تولىق مۇمكىندىك بەرەدى. ءبىزدىڭ بارشامىز – قۋاتتى دا گۇلدەنگەن قازاقستاندى قۇرعىمىز كەلەدى. ءبىز بۇعان قالاي جەتۋگە بولاتىندىعىن بىلەمىز. ءۇرجار اۋدانى بويىنشا ق ر پرەزيدەنتى
ن.نازاربايەۆتىڭ «نۇرلى جول – بولاشاققا باستار جول» اتتى جولداۋىن جانە «نۇر وتان» پارتياسىنىڭ «قازاقستان 2017 ماقساتتارى. ۇلتتىق ءىس قيمىل جوسپارى» اتتى سايلاۋالدى تۇعىرناماسىن ءوز دەڭگەيىندە ناسيحاتتاۋ ماقساتىندا اۋداندىق اقپاراتتىق توپتارى ناتيجەلى جۇمىس جاساۋدا. اۋداندىق اقپاراتتىق توبىنىڭ قۇرامىنا اۋدان اكىمىنىڭ ورىنباسارلارى، ءبولىم باسشىلارى، وبلىستىق جانە اۋداندىق ءماسليحات دەپۋتاتتارى، ساياسي پارتيا، قوعامدىق بىرلەستىكتەر مەن ب ا ق وكىلدەرى ەنگىءزىلگەن. اۋدان كولەمىندە ۇيىمداستىرىلعان يدەولوگيالىق، مادەني جۇمىستاردىڭ بارلىعى ەلباسى جولداۋىن ناسيحاتتاپ، مەملەكەت ساياساتىن دارىپتەۋگە، قوعامدىق-ساياسي احۋالدى، بىرلىكتى، ۇلتارالىق جانە ءدىنارالىق كەلىسىمدى قولداۋعا، ودان ءارى دامىتۋعا باعىتتالدى.
– بيىلعى جىل ۇلكەن مەرەكەلەرگە تولى. وسى جونىندە قانداي يگى ىستەر اتقارىلۋدا؟
– قازاقستان حالقى اسسامبلەياسىنىڭ جىلىن، قازاقستان رەسپۋبليكاسى كونستيتۋسياسىنىڭ 20 جىلدىعى، ۇلى جەڭىستىڭ 70 جىلدىعىن، قازاق حاندىعىنىڭ 550 جىلدىعىن، اباي قۇنانبايەۆتىڭ 170 جىلدىعىن مەرەكەلەۋگە بايلانىستى اۋداندىق ۇيىمداستىرۋ جانە وتكىزۋ بويىنشا ءىس-شارالار جوسپارى جاسالىپ، بەكىتىلدى. بەكىتىلگەن جوسپاردىڭ باستى باعىتى رەتىندە ەل ىشىندەگى ساياسي تۇراقتىلىقتى، ءتۇرلى ۇلتتار مەن ۇلىستار، ءدىني قۇرىلىمدار اراسىنداعى ءوزارا تۇسىنىستىكتى، بەرەكە-بىرلىكتى، ىنتىماقتى ساقتاۋعا ارنالعان ءىس-شارالار ەنگىزىلدى. ماسەلەن، 1 مامىر مەرەكەسىنە وراي «قازاقستان – ءبىزدىڭ ورتاق ءۇيىمىز!» اتتى قازاقستان حالقىنىڭ دوستىعىن پاش ەتەتىن تەاترلاندىرىلعان كورىنىس جانە كونسەرتتىك باعدارلاما ۇيىمداستىرىلدى. مەرەكەلىك شەرۋگە 40-قا تارتا ۇجىم قاتىسىپ، مەرەكەلىك شارانى اۋدان اكىمى س.زاينۋلدين قۇتتىقتادى. ورتالىق ستاديوندا ءارتۇرلى ۇلتتاردىڭ دوستىعىن ناسيحاتتايتىن «ەتنواۋىل» قويىلىپ، ۇلتتىق ويىندار مەن سپورتتىق جارىستار ءوتتى. 1 مامىر كۇنى قاراتال اۋىلىندا ۇلى جەڭىستىڭ 70 جىلدىعىنا وراي سپورتتىق جارىستار، 2 مامىر كۇنى قاراتال اۋىلىندا ۇلتتىق ات سپورتى ءتۇرلەرىنەن جارىستار ۇيىمداستىرىلىپ، بارلىق 27 اۋىلدىق وكرۋگتەن تۇلپارلار قاتىستى. جەڭىمپازدار باعالى سىيلىقتارمەن ماراپاتتالدى. اۋدان ورتالىعى ءۇرجار اۋىلىنىڭ ورتالىق ستاديونىندا جەڭىستىڭ 70 جىلدىق مەرەكەسى قۇرمەتىنە ماقانشى شەكارا وتريادىنىڭ ساربازدارى، اۋعان سوعىسى ارداگەرلەرىنىڭ جانە مەكتەپتەردىڭ جاس ساربازدارىنىڭ قاتىسۋىمەن اسكەري شەرۋ ءوتتى. اۋداندىق مەملەكەتتىك مەكەمەلەر مەن كاسىپورىنداردىڭ مەرەكەلىك تەاترلاندىرىلعان كورىنىسى جانە كونسەرتتىك باعدارلاما ۇيىمداستىرىلدى. مەرەكەلىك شارا اياسىندا ۇلى وتان سوعىسى ارداگەرلەرى مەن اۋعان سوعىسى ارداگەرلەرىنە ارنالعان اسكەري دالا اسحاناسى ۇيىمداستىرىلدى. اۋدان اكىمى اتىنان اۋدانداعى 10 ۇلى وتان سوعىسى ارداگەرىنە جەرگىلىكتى بيۋدجەتتەن 100 مىڭ تەڭگەدەن قارجىلاي كومەك، 2 ارداگەرگە باسپانا ساتىپ اپەرىلدى، 1 ارداگەرگە 130 مىڭ تەڭگە كولەمىندە ۇيىنە كۇردەلى جوندەۋ جۇمىسى جۇرگىزىلدى. 10 ارداگەرگە 10 پلازمالىق تەلەديدار جانە ءاربىر ارداگەرگە 15 مىڭ تەڭگە كولەمىندە ازىق-تۇلىك دورباسى بەرىلءدى. بارلىق ەلدى مەكەندەردە ارداگەرلەر اللەياسى مەن باتىرلار ەسكەرتكىشتەرى تازالانىپ، سىرلانىپ، كوركەيتۋ جۇمىستارى ءجۇرگىزىلدى. جەڭىستىڭ 70 جىلدىعى مەرەكەسى قارساڭىندا «تۋعان جەرگە – تاعزىم» اكسياسى اياسىندا ايتباي، التىنشوقى، كوكتەرەك، شولپان، قىزىل تۋ اۋىلدارىندا ەسكەرتكىشتەر سالتاناتتى تۇردە اشىلدى. تاسكەسكەن اۋىلىنداعى «ەر ەسىمى – ەل ەسىندە» مەموريالدىق ەسكەرتكىشىنە جوندەۋ جۇمىستارى جۇرگىزىلدى. سونىمەن بىرگە تاسكەسكەن اۋىلىنىڭ يپپودرومىندا جەڭىستىڭ 70 جىلدىعىنا وراي ات جارىسى وتكىزىلىپ، باعالى سىيلىقتار تابىس ەتىلدى. اۋدانىمىزدىڭ الەۋمەتتىك-ەكونوميكالىق الەۋەتى تۇراقتى دامۋ جولىنا ءتۇسىپ، جۇيەلى جۇمىستار اتقارىلۋدا. ەندىگى ماقسات الدىمىزدا تۇرعان مىندەتتەردى ورىنداۋ، اۋدانىمىزدىڭ ودان ءارى كوركەيۋى، ەكونوميكاسى مەن حالىقتىڭ الەۋمەتتىك جاعدايىن جاقسارتۋ جولىندا ءتيىستى جۇمىستاردى ودان ءارى جالعاستىرۋ بولىپ قالا بەرمەك.
