- «نۇر وتان» پارتياسىنىڭ الماتى وبلىسىندا وكىلدەرى مەملەكەتتىك باعدارلاما بويىنشا سالىنىپ جاتقان نىسانداردى تەكسەرۋىن جالعاستىرۋدا. بۇل تۋرالى "قامشى" پورتالى باك.كزكە سىلتەمە جاساي وتىرىپ حابارلايدى.

اتالعان نىساندار قاتارىنا مەكتەپتەر، بالاباقشالار، تۇرعىن ۇيلەر مەن جول قۇرىلىسى بار. ولار وسىلايشا ۇلتتىق قور قاراجاتىنىڭ ماقساتقا ساي جۇمسالۋىن تەكسەرۋمەن قاتار، قۇرىلىستاردا ءىس جۇزىندە ەڭبەك ەتىپ جاتقان ادامدار سانىن جانە قۇرىلىسشىلاردىڭ ەڭبەك قۇقىقتارىنىڭ ساقتالۋىن قاداعالاۋدى كوزدەپ وتىر. ازىرگە «نۇروتاندىقتار» تاراپىنان بۇزۋشىلىقتار انىقتاعان جوق. ءبىرىنشى توقساندا مەردىگەر ۇيىمدارعا قاراجات تولىق بولىنبەي، نىسانداردى تاپسىرۋ مەرزىمى 3-4 ايعا كەيىن شەگەرىلگەن بولاتىن. ءقازىر بۇل ماسەلە تۇپكىلىكتى شەشىلدى. قۇرىلىس نىساندارى تاپسىرىلعاننان كەيىن «نۇر وتان» مۇشەلەرى قۇرىلىس ساپاسى مەن اياقتالۋ مەرزىمىنىڭ ساقتالۋىن تاعى ءبىر تەكسەرمەك. جالپى الماتى وبلىسى بويىنشا ۇلتتىق قور قاراجاتى ەسەبىنەن 41 نىسان سالىنۋدا.

سەرىك مۇقانوۆ، «نۇر وتان» پارتياسى وبلىستىق فيليالى ءتوراعاسىنىڭ ءبىرىنشى ورىنباسارى - بارلىق نىسانداردىڭ قارجىلارى كەلدى. ەندى جول مەن جكح قارجىسىن، ورىندالىپ جاتقان ماسەلەسىن بارىپ كورگەننەن سوڭ ايتامىز. وسى التى اۋدانداعى الەۋمەتتىك سالا، ياعني بالاباقشا، مەكتەپتەردى ارالاپ قاراپ شىقتىق. جۇمىس ءوزىنىڭ گرافيگى بويىنشا كەلە جاتىر. قارجى تولىعىمەن كەلدى. ساپاسى وتە دۇرىس. ەشقانداي نارازىلىق جوق.