بارشامىزعا ءمالىم، وتكەن جىلدىڭ 11 قاراشاسى كۇنى پرەزيدەنت نۇرسۇلتان ءابىش ۇلى نازاربايەۆ ءوزىنىڭ قازاقستان حالقىنا ءداستۇرلى جولداۋىن ۇسىندى. جالپى، مەملەكەت باسشىسىنىڭ جولداۋى ءاربىر جىلى ەرەكشە وزىندىك سيپاتتارىمەن ەستە قالادى.

سول سەكىلدى اتالمىش قۇجاتتىڭ دا ەرەك­شەلىكتەرى مول. كەز كەلگەن ءىستى، شارۋانى جوسپارسىز، جۇيەسىز جۇزەگە اسىرۋعا بولمايتىندىعى سەكىلدى بيىلعى جولداۋ دا ەل كەلەشەگىن ايقىنداۋشى، ۇزاق مەرزىمدى «قازاقستان – 2050: قالىپتاسقان مەملەكەتتىڭ جاڭا ساياسي باعىتى» ستراتە­گياسىنىڭ قۇرامداس بولىگى، ونىڭ قالاي جۇزەگە اسىرىلىپ جاتقاندىعىن ايقىن­داۋشى، تاياۋداعى مىندەتتەردى نۇسقايتىن نۇرلى جولى. جولداۋدىڭ اتى دا وسى يدەيا­مەن ۇندەس – «نۇرلى جول – بولاشاققا باستار جول». مەملەكەت باسشىسى ءوز جول­داۋىنىڭ باسىندا بۇگىنگى كۇنگى حا­لىقارالىق احۋال مەن الەمدىك ساياسي ارە­نادا بولىپ جاتقان جايتتارعا شولۋ جاساي كەلىپ، الەمدىك ەكونوميكانىڭ ءالى دە جا­ھاندىق قارجى-ەكونوميكالىق داعدارىس سالدارىنان ايىعا الماي وتىر­عانىن، ال كەيبىر جەرلەردە ءالى قۇلدىراۋ جالعاسۋدا ەكەنىن، گەوساياسي داعدارىس پەن جەتەكشى دەرجاۆالاردىڭ سانكسيالىق ساياساتى الەمدىك ەكونوميكانى قالپىنا كەلتىرۋدە قوسىمشا كەدەرگىلەر تۋىنداتىپ جاتقان­دىعىنا باسا نازار اۋداردى. 
ەلباسىمىز تاياۋداعى جىلدار جاھان­دىق سىناقتاردىڭ ۋاقىتى بولادى، الەمنىڭ بۇكىل ارحيتەكتۋراسى وزگەرەدى جانە بارلىق ەلدەر وسى كۇردەلى كەزەڭنەن لايىقتى وتە المايتىنىن، بۇل شەپتەن تەك مىقتى مەم­لە­كەتتەر، جۇدىرىقتاي جۇمىلعان حالىقتار عانا وتەتىن بولاتىنىن باسىپ ايتتى.     پرەزيدەنت ءوز سوزىندە قازاقستاننىڭ كە­ءزىن­دە سىرتقى نارىقتاعى جاعدايى وڭتايلى بولىپ، مۇناي مەن ءبىزدىڭ ەكسپورتتىق ونىمدەرىمىزگە باعا ايتارلىقتاي جوعارى دەڭگەيدە بولعان جىلدارى شيكىزات ەكسپور­تىنان تۇسكەن تابىستاردى ۇلتتىق قورعا باعىتتاۋدىڭ دۇرىس شارا ەكەنىن ەسكە سالدى. شىندىعىندا دا، ءبىزدىڭ حالىق «بەس كۇندىگىن ويلاماعان ەردەن بەز» دەيدى. سول كەزدە ەرتەڭگى كۇندى ويلاپ، قور جيناپ، ال بۇگىن وسى قوردى حالىق پەن ەل يگىلىگىنە جاراتۋدىڭ ۋاقىتى جەتكەندىگىنە جانە وسى قوردى دۇرىس ءبولۋدىڭ ماڭىزىنا توقتالدى.
ن.نازاربايەۆ باستالعان جوبالاردى اياقتاۋ جانە اسا وتكىر ماسەلەلەردى شەشۋ ءۇشىن ۇكىمەتكە ۇلتتىق قوردان 500 ميل­ليارد تەڭگە كولەمىندەگى ەكىنشى ترانش قارجىسىن باعىتتاۋعا تاپسىرما بەردى، ال ول قارجىنىڭ قانداي ماقساتقا جۇمسالا­تىندىعى جولداۋدا ايقىن ايتىلعان.
بۇل قۇجاتتا باستى نازار ەلىمىزدەگى جول قۇرىلىسىنا اۋدارىلعان.
نۇرسۇلتان ءابىش ۇلى حالىق اراسىنداعى «ەلدىڭ وركەنىن بىلگىڭ كەلسە، جولىنا قارا» دەگەن قاعيدانى مىسالعا كەلتىرە وتىرىپ، جولداردىڭ شىن مانىندە، ءومىردىڭ وزەگى، باي­-قۋاتتى تىرلىكتىڭ قاينار كوزى ەكەن­دىگىنە ەرەكشە توقتالىپ، «بارلىق ايماقتار تە­ءمىر ­جولمەن، تاس جولمەن، اۋە جولىمەن ءوزارا تىعىز بايلانىسۋى كەرەك. استانادا توعىسقان توعىز جولدىڭ تورابى ەلوردانىڭ جاسامپازدىق رۋحىن تاراتاتىن ءومىر-تا­مىرعا اينالۋى ءتيىس...» دەي كەلە، ايماق­تاردىڭ ءوزارا بايلانىسىن جاقسارتۋ ەلدىڭ ىشكى الەۋەتىن ارتتىراتىندىعىن اتاپ ءوتتى. شاعىن جانە ورتا بيزنەس پەن ىسكەرلىك بەلسەندىلىكتى قولداۋ بويىنشا جۇمىستى جالعاستىرۋدى، سونداي-اق ءىرى كاسىپكەرلىكتى جەڭىلدىكپەن نەسيەلەۋگە قوسىمشا 100 ميلليارد تەڭگە ءبولۋ جوس­پارلانىپ، تاماق جانە حيميا ونەر­كاسىبىندەگى، ماشينا جاساۋداعى، سونداي-اق، قىزمەت كورسەتۋلەر سالاسىنداعى جو­بالاردى جۇزەگە اسىرۋدى قامتاماسىز ەتۋ كوزدەلىپ وتىرعانىن تىلگە تيەك ەتىپ كەتتى.
سونداي-اق يندۋستريالىق ينفراقۇرى­لىمداردى دامىتۋ ماقساتىندا قۇرىلىس ماتەريالدارىنا، كولىكتىك-كوممۋنيكا­سيالىق، ەنەرگەتيكالىق جانە تۇرعىن ۇي-كوممۋنالدىق سالالار ءۇشىن ونىمدەر مەن قىزمەت كورسەتۋلەرگە ۇلكەن سۇرانىس تۋدى­رادى، وسى ورايدا شاعىن جانە ورتا كاسىپ­كەرلىكتى قولداپ، كومەك كورسەتۋ ماقسا­تىندا تۇتىنۋشىلاردىڭ قۇقىقتارىن قورعاۋ كوميتەتىنە قاراستى «ۇلتتىق ساراپتاما ورتالىعىنىڭ» زەرتحانالىق ساراپتاما ماماندارى جوعارىدا ايتىلعان سوزدەردى قۋاتتاپ، حالىقتىڭ سانيتارلىق-ەپيدەميولوگيالىق حال-احۋالىن جاقسارتۋ ماقساتىندا ءتۇرلى كۇردەلى زەرتحانالىق ساراپتامالار جۇرگىزۋگە ءارقاشاندا دايىن ەكەنىن ايتا الامىز.
مەملەكەت باسشىسىنىڭ سوزىمەن ايت­قاندا: «نۇرلى جول» جاڭا ەكونوميكالىق ساياسات – الەمنىڭ ەڭ دامىعان 30 ەلىنىڭ قاتا­رىنا كىرۋ جولىنداعى ءبىزدىڭ اۋقىمدى قادامىمىز» بولماق. پرەزيدەنتىمىز ءوزىنىڭ وسى ءبىر ماڭىزدى قۇجاتىندا بارشا قازاقستاندىقتاردىڭ الدىندا ۇلكەن دە جاۋاپتى جۇمىستار تۇرعاندىعىن ايتا كەلىپ، جاhاندىق سىننان ءوتۋ ءۇشىن ءبىزدىڭ توپتاسا ءبىلۋىمىز قاجەتتىگىنە باسا نازار اۋ­دارادى. جولداۋدا تۇراقتىلىق پەن كەلىسىم، بەيبىتشىلىك يدەيالارىنا، جاستاردىڭ ءبىزدىڭ بولاشاعىمىزدىڭ تىرەگى ەكەندىگىنە ەرەكشە كوڭىل ءبولىنىپ، «نۇرلى جولدىڭ» وسى با­عىت­تاعى ماڭىزى دا ايقىندالا تۇسەدى.
جولداۋدا پرەزيدەنت: «جالپىۇلتتىق يدەيامىز – ماڭگىلىك ەلدى باستى باعدار ەتىپ، تاۋەلسىزدىگىمىزدىڭ دامۋ داڭعىلىن «نۇرلى جولعا» اينالدىردىق. ماڭگىلىك ەل – ەلدىڭ بىرىكتىرۋشى كۇشى، ەشقاشان تاۋ­سىلماس قۋات كوزى. ول «قازاقستان – 2050» سترا­تەگياسىنىڭ عانا ەمەس، ححI عاسىرداعى قازاقستان مەملەكەتىنىڭ مىزعىماس يدەيا­لىق تۇعىرى!
جاڭا قازاقستاندىق پاتريوتيزم دەگە­ءنىمىزدىڭ ءوزى – ماڭگىلىك ەل! ول – بارشا قازاقستان قوعامىنىڭ وسىنداي ۇلى قۇن­دىلىعى. وتاندى ءسۇيۋ – بابالاردان ميراس بولعان ۇلى مۇرانى قادىرلەۋ، ونى كوزدىڭ قاراشىعىنداي ساقتاۋ، ءوز ۇلەسىڭدى قوسىپ، دامىتۋ جانە كەيىنگى ۇرپاققا امانات ەتىپ تابىستاۋ.
«بارلىق قازاقستاندىقتاردىڭ جۇ­مىسىنىڭ تۇپكى ءمانى – وسى!» دەيدى.
ءبىز دە ءوز تاراپىمىزدان وسى ايتىلعان سوزدەردى قولداپ، قۋاتتاپ، ۇلى جولداعى ساپارىمىز ءساتتى، بولاشاعىمىز جارقىن بولىپ، بارشاڭىزعا «نۇرلى جولدى» ءجۇ­زەگە اسىرۋداعى ىستەرىڭىزگە تابىس تىلەگىمىز كەلەدى.
شالعىنباي جاندوسوۆ، 
ۇلتتىق ەكونوميكا مينيسترلىگى تۇتىنۋشىلاردىڭ قۇقىقتارىن قورعاۋ كوميتەتى «ۇلتتىق ساراپتاما ورتالىعى» رەسپۋبليكالىق مەملەكەتتىك كاسىپورنىنىڭ اقتوبە وبلىسى بويىنشا فيليالىنىڭ ديرەكتورى، مەديسينا عىلىمدارىنىڭ كانديداتى