بۇگىن ق ر پرەزيدەنتى جانىنداعى ورتالىق كوممۋنيكاسيالار قىزمەتىنىڭ تالدىقورعان قالاسىندا فيليالى اشىلۋىنا وراي، ب ا ق وكىلدەرى ءۇشىن ارنايى باسپا ءسوز ءماسليحاتىن وتكىزگەن الماتى وبلىسى اكىمىنىڭ ورىنباسارى سەرىك تۇردالييەۆ جىل وتكەن سايىن الاكولدىڭ ينفراقۇرىلىمى وڭ شەشىمىن تاۋىپ كەلە جاتقاندىعىن اتاپ ءوتتى. بۇل تۋرالى "قامشى" پورتالى Baq.kz –كە سىلتەمە جاساي وتىرىپ حابارلايدى.

- سوڭعى جىلدارى ءبىز الاكولگە اعىلاتىن تۋريستەردى ودان سايىن كوبەيتە ءتۇسۋ ءۇشىن، ول جاقتىڭ ينفراقۇرىلىمىن دامىتۋدى مەملەكەتتىك دەڭگەيدە قولعا العانىمىز بەلگىلى. وسى ماقساتپەن «قازاقستان تەمىر جولى» ۇك» اق بىرلەسە وتىرىپ، الماتى قالاسى مەن كوكتۋما ستانسياسى ارالىعىنداعى جولاۋشىلار تاسىمالى قاتىناسىن قامتاماسىز ەتەتىن پويىزدى سۋبسيديالادىق. ناتيجەسىندە، ايماقتىڭ تۋريزم سالاسى دامىپ، تۋريستەر سانى 150 مىڭ ادامعا ارتتى، - دەدى سەرىك مەلس ۇلى.

ايتا كەتەيك، الاكول ينفراقۇرىلىمىن دامىتۋ ءۇشىن «بيزنەستىڭ جول كارتاسى - 2020» باعدارلاماسى اياسىندا رەسپۋبليكالىق بيۋدجەتتەن 600 ملن تەڭگە بولىنگەن. ال «نۇرلى جول» باعدارلاماسى ارقىلى وڭىردەگىڭ قاتىناس جولداردى قالپىنا كەلتىرۋ جۇمىستارىنا جەرگىلىكتى بيۋدجەتتەن 307 ملن تەڭگە قاراستىرىلعان.