سينگاپۋر قالاسىندا الەۋەتتى سينگاپۋرلىك ينۆەستورلارعا قازاقستان رەسپۋبليكاسىنىڭ ينۆەستيسيالىق مۇمكىنشىلىكتەرىن تانىستىرۋ بويىنشا روۋد-شوۋ ءوتتى. بۇل تۋرالى "قامشى" پورتالى قازاقپاراتقا سىلتەمە جاساي وتىرىپ حابارلايدى.
ءىس-شارانى قازاقستان رەسپۋبليكاسىنىڭ سينگاپۋر رەسپۋبليكاسىنداعى ەلشىلىگى جانە Singapore Business Federation قولداۋىمەن «KAZNEX INVEST»ەكسپورت جانە ينۆەستيسيالار جونىندەگى ۇلتتىق اگەنتتىگى ۇيىمداستىردى.
ق ر ءسىم باسپا ءسوز قىزمەتىنىڭ حابارلاۋىنشا، قازاقستاندىق دەلەگاسيانى ق ر ينۆەستيسيالار جانە دامۋ ۆيسە-مينيسترى راقىم وشاقبايەۆ باسقارىپ باردى. دەلەگاسيا قۇرامىنا ۇلتتىق كومپانيالاردىڭ وكىلدەرى، ءبىرقاتار وبلىستاردىڭ اكىمدەرى، «قورعاس-شىعىس قاقپاسى» اەا جانە «تاراز حيميالىق پاركى» اەا-نىڭ، سونداي-اق جەكە كومپانيالاردىڭ وكىلدەرى كىردى. سينگاپۋر تاراپىنان ءىس-شاراعا ەلدىڭ جەتەكشى كومپانيالارى مەن 100-دەن اسا ۇيىمدارىنىڭ وكىلدەرى قاتىستى.
سينگاپۋرداعى ق ر وكىلى ەرلان-باۋداربەك-قوجاتايەۆ ءىس-شارا قاتىسۋشىلارىن قازاقستانداعى الەۋمەتتىك-ەكونوميكالىق جاعدايمەن، ونىڭ ىشىندە جاڭا «نۇرلى جول» ەكونوميكالىق ساياساتىمەن تانىستىرىپ ءوتتى. ول قازاقستان مەن سينگاپۋر اراسىنداعى ەكىجاقتى قارقىندى دامىعان قاتىناستى جانە 2015 جىلدىڭ 16 شىلدەسىنەن باستاپ سينگاپۋرمەن ۆيزاسىز رەجىمدى ەنگىزگەنىن تىلگە تيەك ەتىپ، سينگاپۋرلىق ينۆەستورلاردى ءوزارا ىنتىماقتاستىق قاتىناس ورناتۋعا شاقىردى.
راقىم وشاقبايەۆ سينگاپۋرلىق ينۆەستورلارعا ينۆەستيسيالىق ارتىقشىلىقتاردى جاڭعىرتۋ جونىندەگى قابىلدانىپ جاتقان شارالار مەن جاڭا ينۆەستيسيالار پاكەتى تۋرالى ايتىپ، قازاقستاننىڭ بيزنەس كليماتىن تانىستىردى.
الەۋەتتى ينۆەستورلارعا سونداي-اق روۋد-شوۋ اياسىندا قازاقستاننىڭ اگروونەركاسىپ، حيميا جانە مۇناي حيمياسى سالاسىنداعى، ماشينا جاساۋداعى، مەديسينالىق جابدىقتى ءوندىرۋ، قۇرىلىس ماتەريالدارىن ءوندىرۋ، ينفراقۇرىلىم، كولىك-لوگيستيكالىق سالاسىنداعى ينۆەستيسيالىق مۇمكىنشىلىكتەردى تانىستىردى.
سونداي-اق ق ر ينۆەستيسيالار جانە دامۋ ۆيسە-مينيسترى راقىم وشاقبايەۆپەن Olam International Limited، Food Empire Holdings Limited، Changi Airports International Pte.Ltd.، AMS Consultants، OOILAYLENG، Tommy Lim جانە باسقا دا ءىرى سينگاپۋرلىك كومپانيالاردىڭ وكىلدەرىمەن كەزدەسۋلەر ۇيىمداستىرىلدى.
