استانا قالاسى ەكونوميكا جانە بيۋدجەتتىك جوسپارلاۋ باسقارماسىنىڭ حابارلاۋىنشا، 2015 جىلدىڭ 1 قىركۇيەكتەگى جاعدايى بويىنشا جۇمىس ىستەپ تۇرعان شاعىن جانە ورتا كاسىپكەرلىك سۋبەكتىلەرىنىڭ سانى 96،9 مىڭ بىرلىكتى قۇرادى. 2014 جىلدىڭ سايكەس كەزەڭىمەن سالىستىرعاندا ءوسىم - 9،5% دەپ حابارلايدى استانا قالاسى اكىمدىگىنىڭ باسپا ءسوز قىزمەتى. بۇل تۋرالى "قامشى" پورتالى  Baq.kz -كە سىلتەمە جاساي وتىرىپ حابارلايدى.

شاعىن جانە ورتا كاسىپكەرلىك سالاسىندا 234،8 مىڭ ادام (2015 جىلدىڭ ءى توقسانىندا) جۇمىس ىستەيدى، بۇل وتكەن جىلعى كەزەڭمەن سالىستىرعاندا 17،8% ارتىق. شاعىن جانە ورتا كاسىپكەرلىكتى قولداۋ ماقساتىندا «بيزنەستىڭ جول كارتاسى - 2020» باعدارلاماسى جۇزەگە اسىرىلادى. باعدارلاما اياسىندا اعىمداعى جىلى رەسپۋبليكالىق بيۋدجەتتەن 3 ملرد تەڭگە ءبولىندى.

«بيزنەستىڭ جول كارتاسى - 2020» باعدارلاماسى جۇزەگە اسىرىلعاننان بەرى 83،9 ملرد تەڭگەنى قۇرايتىن 470 جوبا، ال 2015 جىلى جالپى قۇنى 11،4 ملرد تەڭگەلىك 57 جوبا ماقۇلداندى.