"اقپاراتتىڭ قولجەتىمدىلىگى تۋرالى" زاڭ جوباسىن ازىرلەۋشىلەر كەز كەلگەن جاعدايدا دا شەكتەۋگە جاتپايتىن اقپاراتتىڭ ءتىزىمىن جاسادى. بۇل تۋرالى بۇگىن xالىقارالىق كونفەرەنسيادا ق ر پارلامەنتى ءماجىلىسىنىڭ دەپۋتاتى ماۋلەن اشىمبايەۆ ءمالىم ەتتى. بۇل تۋرالى قامشى پورتالى ينفورم.كز-كە سىلتەمە جاساي وتىرىپ حابارلايدى.

"ءبىزدىڭ قولدانىستاعى "مەملەكەتتىك قۇپيالار تۋرالى" زاڭىمىزدا قۇپيالاۋعا جاتپايتىن اقپارات ءتىزىمى بار. ءبىز بۇنىمەن توقتاعان جوقپىز. ءبىز قۇپيالاۋعا عانا ەمەس، شەكتەۋگە دە جاتپايتىن اقپاراتتاردىڭ ءتىزىمىن جاساپ شىقتىق. ءبىز بۇل ءتىزىمدى مەيلىنشە كەڭەيتۋگە تىرىستىق. وندا لاڭكەستىك اكتىلەرى تۋرالى فاكتىلەر، ءورت قاۋىپسىزدىگى جاعدايى، سانيتارلىق، ەپيدەميولوگيالىق جانە رادياسيالىق قاۋىپسىزدىك، ازىق-تۇلىك قاۋىپسىزدىگى، رەسپۋبليكالىق جانە جەرگىلىكتى بيۋدجەتتىڭ جۇمسالۋى، جاساقتالۋى تۋرالى اقپاراتتار جانە xالىقتان ەشقاشان جاسىرىلماۋى ءتيىس مالىمەتتەر ەنگەن"، - دەدى دەپۋتات.

ونىڭ ءسوزى بويىنشا، زاڭ جوباسىندا وسى اقپاراتتاردىڭ كوزدەرى بولىپ تابىلاتىن سۋبەكتىلەر دە  كورسەتىلگەن.

"سىزدەر بىلەسىزدەر، ۇلتتىق كومپانيالار مەن 100 پايىز مەملەكەت مەنشىگىندەگى كومپانيالار بار. سوعان بايلانىستى، زاڭ ازىرلەۋشىلەر ۇلتتىق كومپانيالار مەن كۆازيمەملەكەتتىك سەكتورلارعا دا قوعام ءۇشىن اقپاراتتىڭ قولجەتىمدىلىگىن قامتاماسىز ەتۋلەرى مىندەتتى دەپ كورسەتىپ وتىر"، - دەدى ول.

اقپارات يەلەنۋشىلەردىڭ تاعى ءبىر توبى - بيۋدجەتتىك قاراجاتقا يە بولعان زاڭدىق تۇلعالار.

"ولار مەملەكەتتىك ەمەس قۇرىلىمدار دا بولۋى ىقتيمال. اتاپ ايتقاندا، بيۋدجەتتىك قاراجات العان ۇەۇ، ج ش س نەمەسە اق. ەگەر زاڭدى تۇلعا مەملەكەتتىك بيۋدجەتتەن كىرىس تاپقان بولسا، بيۋدجەتتىك قاراجاتتى جۇمساۋ بويىنشا اقپاراتتاردى ۇسىنۋى ءتيىس"، - دەپ اتاپ ءوتتى م. اشىمبايەۆ.  

دەپۋتاتتىڭ ايتۋىنشا، اقپاراتپەن ءبولىسۋى ءتيىس سۋبەكتىلەردىڭ قاتارىنا مونوپوليالىق باسىمدىققا يە نەمەسە توتەنشە جاعدايلار تۋرالى، تابيعي جانە تەxنوگەندىك قاىپسىزدىك اقپاراتتارىنا يەلىك ەتەتىن زاڭدىق تۇلعالار دا كىرگىزىلىپ وتىر.