سەرىك قوجان ۇلى قۇلمىرزايەۆ - جاقىندا بۇۇ جانە يۋنەسكو جانىنداعى ادام قۇقىعى حالىقارالىق فەدەراسياسى مەن عىلىمي ينستيتۋتتارى ەۋروپالىق قاۋىمداستىعىنىڭ جانە حالىقارالىق اتتەستاسيالىق كەڭەسىنىڭ حالىقارالىق "قاناتتى ارىستان" وردەنىمەن ماراپاتتالدى. بۇل تۋرالى قامشى پورتالى قازاقپارتقا سىلتەمە جاساي وتىرىپ حابارلايدى.
سونىمەن قاتار، گىر تاسىن كوتەرۋ سپورتىنىڭ شەبەرى اتاعىنا يە بولدى. بۇل تۋرالى قارماقشى اۋداندىق اكىمدىگىنىڭ باسپا ءسوز قىزمەتى حابارلادى.
ەسكە سالا كەتسەك، 2014 جىلى تامىزدىڭ 13 مەن 16-سى كۇندەرى بەلارۋس مەملەكەتىنىڭ ۆيتەبسك قالاسىندا گىر تاسىن كوتەرۋدەن ەكىنشى دۇنيەجۇزىلىك وليمپيادا، بەلارۋس مەملەكەتىنىڭ تاۋەلسىزدىك كۇنىنە ارنالعان حالىقارالىق تۋرنير جانە ارداگەرلەر اراسىندا گىر كوتەرۋدەن الەم چەمپيوناتى قاتار وتكەن بولاتىن. ءدۇبىرلى دوداعا قازاقستان اتىنان سەگىز سپورتشى قاتىستى. سولاردىڭ ءبىرى- 63 جاستاعى ارداگەر سپورتشى قۇلمىرزايەۆ سەرىك قوجان ۇلى. ول 16 كەلىلىك گىر تاسىن 2 مينۋتتا جۇلقا 78 رەت، سەرپە 94 رەت كوتەردى. سونداي-اق، 16 كەلىلىك گىر تاسىن 3 مينۋتتا 75 رەت جۇلقا كوتەرىپ، ارداگەر سپورتشى قارسىلاستارىن ارتتا قالدىردى. وسىنداي جەتىستىگىنىڭ ارقاسىندا قازاقستان اتىنان شىققان سپورتشى توپتىق نورماتيۆتىك جاتتىعۋلاردا ۇزدىك ناتيجە كورسەتكەنى ءۇشىن گيننەستىڭ رەكوردتار كىتابىندا تىركەلگەن كورسەتكىشتى جاڭارتتى.
«310 سپارتاندىقتار» جوباسى بويىنشا گيننەسس كىتابىنا ەنۋ ءۇشىن 400- دەي سپورتشى جارتى ساعات بويى گىر جاتتىعۋلارىن جاساعان. وسىلايشا جاپپاي جاتتىعۋ ورىنداۋ بارىسىندا قارماقشىلىق سپورتشىنىڭ ەسىمى گيننەستىڭ رەكوردتار كىتابىنا جازىلدى. جاڭا رەكورد جاساۋعا قازاقستان، رەسەي، بەلارۋس، پولشا، گەرمانيا، لاتۆيا جانە ليتۆانىڭ سپورتشىلارى ۇمىتكەر بولدى. جالپى بۇل سايىستارعا 34 مەملەكەتتەن 400 گە جۋىق سپورتشى قاتىسقان. ەڭ جاسى- 4 جاسار رەسەيلىك بالعىن بولسا، لاتۆيادان 90 جاستاعى قاريا ءوز ونەرلەرىن ورتاعا سالدى. سپورتشىلاردىڭ بارلىعى دەرلىك گىر تاسىن جۇلقا جانە سەرپە كوتەرۋدەن سايىستى. سەرىك قۇلمىرزايەۆ 60-64 جاس ارالىعىنداعى ارداگەرلەر اراسىندا 90 كەلىگە دەيىنگى سالماقتا ب ا ق سىنادى. مەملەكەتتىك قىزمەتشى 2014 جىلى 8 تامىزدا زەينەتكەرلىككە شىققان بويدا جارىسقا اتتانىپ،ولجالى ورالدى. ءبىر قىزىعى، سالا ارداگەرى سپورت زالدا ەمەس كوكالدا، تابيعات اياسىندا شىنىعادى. جاس كەزىنەن ەركىن كۇرەس، سامبو، دزيۋدومەن اينالىسقان سەرىك قۇلمىرزايەۆ سپورت شەبەرىنە كانديدات. اتاسى سەكىلدى سپورتپەن شۇعىلداناتىن نەمەرەلەرى بار. ولار دا رەسپۋبليكالىق، وبلىستىق جارىستاردا جۇلدەلى ورىن الىپ ءجۇر.
ايتا كەتەيىك، 2013 جىلى س.قۇلمىرزايەۆ ءتورت دۇركىن الەم بىرىنشىلىگىنىڭ، ەۋروپا، ازيا، ەۋرازيا، بەلورۋس جانە رەسەي چەمپيوناتتارىنىڭ، ف.ۋشاكوۆ پەن م.لومونوسوۆ اتىنداعى حالىقارالىق جارىستاردىڭ جەڭىمپازى اتانىپ 11 التىن مەدالدىڭ يەگەرى بولدى.
پىكىر قالدىرۋ