استانادا بۇكىلالەمدىك Astana Leisure 2015 تۋريستىك كورمەسىنىڭ اياسىندا «Recommended by EXPO - 2017» اتتى باعدارلاماسىنا ارنالعان باسپا ءسوز ءماسليxاتى ءوتتى. بۇل تۋرالى قامشى پورتالى ينفورم.كز-كە سىلتەمە جاساي وتىرىپ حابارلايدى.

 اتالمىش باعدارلامانىڭ ۇيىمداستىرۋشىلارى استانا اكىمدىگى مەن «استانا ەكسپو - 2017» ۇلتتىق كومپانياسى ەكەنىن ايتا كەتكەن ءجون.

ولاردىڭ ايتۋىنا قاراعاندا، باعدارلاماعا ەلوردانىڭ تۋريستىك ينفراقۇرىلىمىنا ۇلەس قوسىپ وتىرعان قوناقۇيلەر مەن قوعامدىق تاماقتانۋ ورىندارى تارتىلماق.

 تالاپتان سۇرىنبەي وتكەن ەڭ جاقسى تۋريستىك نىساندار «Recommended by EXPO - 2017» بەلگىسىنە يە بولادى جانە استانا سەرىكتەسى مارتەبەسى بەرىلەدى.

باعدارلامانىڭ باستى ماقساتى استانا بەدەلىنە اسەر ەتەتىن تۋريستىك ورىنداردىڭ قىزمەت كورسەتۋ ساپاسىن ارتتىرۋ.

قاتىسۋشىلاردى ەلوردا اكىمدىگىنىڭ،  «استانا ەكسپو - 2017» ۇق، استانانىڭ كاسىپكەرلەر پالاتاسى، تۋريزم يندۋسترياسىنىڭ وداعى قىزمەتكەرلەرىنەن قۇرالعان ارنايى كوميسسيا باعالايدى. ونىڭ تىزگىنىن استانا اكىمىنىڭ ورىنباسارى ءنۇرالى الييەۆ ۇستادى.

«شەتەلدەن كەلگەن مەيماندار استانادا جايلى سەزىنگەنى ءبىز ءۇشىن ماڭىزدى. ءبىز بۇل باعدارلامانى بارلىق وڭىرلەردە جۇرگىزەمىز. قازىرگى ۋاقىتتا «ەكپو-2017» نىسانىن تۋريستىك مارشرۋتقا قوسۋ بويىنشا تۋروپەراتورلارمەن كەلىسسوزدەر جۇرگىزىلۋدە. كەلىسىمدەر بارلىق ايماقتارداعى وپەراتورلارمەن جاسالدى. سونىمەن قاتار وزگە دە مارشرۋتتار بويىنشا كوممەرسيالاندىرۋ ءىسى اياقتالىپ قالدى. جىل سوڭىنا دەيىن بۇل جۇمىس ءتامامدالادى جانە 2016 جىلى ول مارشرۋتتار ساتىلىمعا شىعا باستايدى. قازىرگى ۋاقىتتا تۋريستىك مارشرۋتتاردىڭ، قوناقۇيلەردىڭ، تاكسوپاركتەردىڭ كريتەرييلەرى جاساقتالۋدا»، - دەيدى «استانا ەكسپو - 2017» ۇق» اق ماركەتينگ دەپارتامەنتىنىڭ ديرەكتورى ايگۇل مۇكەي. 

ۇيىمداستىرۋشىلاردىڭ اتاپ كورسەتكەنىندەي، جاقىن ارادا www.welcometoastana.kz اتتى تۋرسيتىك پورتال اشىلادى.