بۇگىن ۇكىمەت ۇيىندە ق ر پرەمەر-مينيسترىنىڭ ورىنباسارى داريعا نازاربايەۆانىڭ ءتوراعالىق ەتۋىمەن قىزىلشاعا قارسى قوسىمشا يممۋندەۋ وتكىزۋگە دايىندىق ماسەلەلەرى بويىنشا سەلەكتورلىق كەڭەس ءوتتى. بۇل تۋرالى قامشى پورتالى ينفورم.كز-كە سىلتەمە جاساي وتىرىپ حابارلايدى. 

بۇل تۋرالى ق ر پرەمەر-مينيسترىنىڭ باسپا ءسوز قىزمەتىنەن حابارلادى.

ءماجىلىس جۇمىسىنا مۇددەلى مەملەكەتتىك ورگان وكىلدەرى، استانا جانە الماتى قق. اكىمدەرىنىڭ ورىنباسارلارى قاتىستى.

ق ر دەنساۋلىق ساقتاۋ جانە الەۋمەتتىك دامۋ مينيسترلىگىنىڭ اقپاراتىنا سۇيەنسەك، ا.ج. 1 قازاننان باستاپ 15-16 جاس ارالاعىنداعى تۇلعالار اراسىندا قىزىلشاعا قارسى ەگۋدىڭ ەكىنشى كەزەڭى باستالادى. ءبىرىنشى كەزەڭ بيىل اقپاندا بولعان، الايدا كەلەڭسىز سالداردىڭ تىركەلۋىنە بايلانىستى توقتاتىلعان بولاتىن. ول كەزدە ۆاكسينانى 881 مىڭ ادامنىڭ 60 پايىزى العان. ەكىنشى كەزەڭ اياسىندا 305 مىڭ ادامدى ەگۋ جوسپارلانۋدا.

 «سونىمەن قاتار، سانەپيدەمقىزمەت دەرەكتەرى بويىنشا بيىل قىزىلشانى 2 مىڭ بالا مەن ەرەسەك الامدار جۇقتىرعان،  بۇل 2013 جىلمەن سالىستىرعاندا، 4،4 ەسەگە كوپ»، - دەپ اتاپ ءوتتى ن. نازاربايەۆا.

ەگۋدىڭ ءبىرىنشى كەزەڭىن توقتاتۋ سەبەپتەرى مەن ولاردى جويۋ بويىنشا قابىلدانعان شارالار تۋرالى مينيستر تامارا دۇيسەنوۆا مالىمدەدى.

«بۇل ناۋقاننىڭ دايىندىق جۇمىستارى جەتكىلىكتى دەڭگەيدە بولمادى. دەنساۋلىق ساقتاۋ مەن الەۋمەتتىك دامۋ جانە ۇلتتىق ەكونوميكا مينيسترلىكتەرى ءوز ارەكەتتەرىن ۇيلەستىرە الماعانىن مويىنداۋ قاجەت. يممۋندەۋدى ۇيىمداستىرۋدا، جۇرگىزۋدە قاجەتتى قولداۋ كورسەتىلمەدى. ءبىرىنشى كەزەڭدە ەگۋدەن كەيىن 399 ءجاسوسپىرىمنىڭ ءوتىنىشى تىركەلگەن»، - دەپ اتاپ ءوتتى ۆەدومستۆو باسشىسى.

ت. دۇيسەنوۆا ءبىرىنشى كەزەڭ قورىتىندىسى بويىنشا مەملەكەتتىك جانە جەرگىلىكتى اتقارۋشى ورگاندار دۇنيەجۇزىلىك دەنساۋلىق ساقتاۋ ۇيىمىمەن بىرلەسىپ قاتەلىكتى انىقتاۋ، ونى جويۋ بويىنشا ءتيىستى جۇمىستار جۇرگىزدى.

«تۇتاستاي، بۇگىندە الەمدە قىزىلشا اۋرۋىنا بايلانىستى كۇردەلى جاعداي قالىپتاسقان. باتىس ەۋروپادا 10 مىڭنان استام جاعداي تىركەلسە، تمد ەلدەرىندە   جۇقتىرعاندار سانى 14 مىڭعا جەتكەن. قازاقستاندا دا جاعداي قۋانتارلىق ەمەس»، - دەدى مينيستر.

 «ستاتيستيكاعا سايكەس وڭىردە قىزىلشاعا قارسى يممۋندەۋ تومەن دەڭگەيدە قامتىلعاندىقتان، بۇل اۋرۋدى جۇقتىرعاندار سانى ارتا تۇسكەن. ەپيدەميولوگيالىق جاعداي مەن ددسۇ ۇسىنىستارىن ەسكەرىپ، وسى جىلعى 1 قازاننان باستاپ قىزىلشاعا قارسى قوسىمشا يممۋندەۋدى جاڭارتۋ شەشىمى قابىلداندى»، - دەپ ءتۇسىندىردى دۇيسەنوۆا.

دەنساۋلىق مينيسترلىگى باسشىسىنىڭ ايتۋىنشا، ناۋقاندى ساپالى جۇرگىزۋ ءۇشىن ءار وڭىردە شتاب قۇرىلعان، ولاردى وبلىس اكىمدەرىنىڭ ورىنباسارلارى باسقارادى. 3567 ەگۋ بريگاداسى ۇيىمداستىرىلدى، ولاردىڭ قۇرامىندا 3500 دارىگەر، 3600 مەدبيكە، 7000-نان استام تىركەۋشىلەر بار. دەنساۋلىقمينى جانە سانەپيدەمقىزمەتتەن جاۋاپتى قىزمەتكەرلەر ايقىندالدى. باق-تا ءتيىستى ءتۇسىندىرۋ-اقپاراتتىق جۇمىستار جۇرگىزىلۋدە.

ءوز كەزەگىندە، قر-داعى ددسۇ وكىلى مەليتا ۆۋينوۆيچ قازاقستاندا پايدالانىلاتىن ۆاكسينا وندىرۋشىدەن جانە ددسۇ جۇيەسىنەن -  ەكى رەت باقىلاۋدان وتكەنىن اتاپ ءوتتى.

«ءبىز بارلىق وتىنىشتەر مەن زەرتتەۋلەردى قاراپ شىقتىق، ۆاكسيناعا بايلانىستى دەگەن  ەشبىر دالەل تاپپادىق. بۇل باسىنان بەلگىلى ءجايت ەدى. ءبىز ۆاكسينانى ساپالى، بارلىق تالاپقا جاۋاپ بەرەدى دەپ سانايمىز»، - دەپ اتاپ ءوتتى ول.

«كوپ جاعدايدا، كەلەڭسىز جاعدايعا الىپ كەلگەن جاسوسپىرىمدەردىڭ پسيحوگەندىك ارەكەتى. بۇل - ۆاكسيناعا ەمەس، ەكپەگە رەاكسيا»، - دەپ ءتۇسىندىردى ددسۇ وكىلى.

سونداي-اق سەلەكتورلىق رەجىمدە وبلىستار، استانا مەن الماتى قق. اكىمدەرىنىڭ ورىنباسارلارى ءبىلىم بەرۋ نىساندارىنىڭ جانە مەديسينالىق قىزمەتكەرلەردىڭ ەگۋدىڭ ەكىنشى كەزەڭىنە دايىندىعى تۋرالى ايتتى.

ءماجىلىستى قورىتىندىلاي كەلە، ن. نازاربايەۆا ۆاكسيناسيانى ساپالى جۇرگىزۋ ءۇشىن بارلىق كۇشتەر مەن رەسۋرستاردى جۇمىلدىرۋ قاجەت ەكەنىن اتاپ ءوتتى. وسىعان بايلانىستى ۆيسە-پرەمەر ءبىرقاتار ءتيىستى تاپسىرمالار بەردى.

ق ر ۇەم تۇتىنۋشىلاردىڭ قۇقىقتارىن قورعاۋ كوميتەتىنە 28 قىركۇيەككە دەيىن ءبىلىم بەرۋ جانە دەنساۋلىق ساقتاۋ ۇيىمدارىن جوسپاردان تىس تەكسەرۋدى اياقتاپ، ۆاكسيناسيا جۇرگىزۋگە كۇندەلىكتى مونيتورينگتى قامتاماسىز ەتۋدى تاپسىردى.

دەنساۋلىق مينيسترلىگى ددسۇ مەن يۋنيسەف ساراپشىلارىمەن بىرلەسىپ  وڭىرلەرگە ۇيىمداستىرۋ-ادىستەمەلىك كومەكتى قامتاماسىز ەتىپ، كەلەڭسىز جاعدايلار تىركەلگەن جاعدايدا، پراكتيكالىق جانە كونسۋلتاتيۆتىك كومەك كورسەتۋى قاجەت.

جەرگىلىكتى اتقارۋشى ورگاندارعا ناۋقاندى جۇرگىزۋگە جانە ب ا ق ارقىلى ءاقپاراتتىق-تۇسىندىرۋ جۇمىستارىن كۇشەيتۋ ءۇشىن وبلىس اكىمدەرى ورىنباسارلارىنا دەربەس جاۋاپتىلىق جۇكتەۋدى بەكىتۋ ۇسىنىلدى.